Bhavnagar: ભાવનગરમાં સ્વતંત્રતા દિવસની ભવ્ય ઉજવણી, શહીદ પરિવારના બાળકો માટે રૂ. 1.11 લાખની સહાય

ટ્રસ્ટના ટ્રસ્ટીઓનું બહુમાન

સ્વતંત્રતા દિવસની ઉજવણીના ભાગરૂપે ભાવનગર જિલ્લા માજી સૈનિક સંગઠન દ્વારા શહીદ સૈનિક પરિવાર સહાય ટ્રસ્ટના ઉપસ્થિત દરેક ટ્રસ્ટીનું સન્માન અને બહુમાન કરવામાં આવ્યું હતું. સંગઠન દ્વારા ટ્રસ્ટ વતી ધ્વજવંદન કરવા માટે પંકજભાઈ ભાયાણીને વિનંતી કરવામાં આવી હતી. આ પ્રસંગે શહીદ પરિવારો પ્રત્યે સન્માન અને કૃતજ્ઞતાની લાગણી વ્યક્ત કરવામાં આવી હતી.

શહીદ પરિવારોના બાળકો માટે રૂ. 1,11,111 ની સહાય

કાર્યક્રમ દરમિયાન શહીદ સૈનિક પરિવાર સહાય ટ્રસ્ટ દ્વારા જનાર્દનદાદાની સિદ્ધાંતિક પરંપરા અનુસાર મહત્વપૂર્ણ સહાયની જાહેરાત કરવામાં આવી હતી. ટ્રસ્ટ દ્વારા શહીદ સૈનિક પરિવારોના બાળકોને ઇનામ વિતરણ માટે રૂ. 1,11,111ની સહાય આપવામાં આવી હતી. આ સહાય શહીદ પરિવારોના બાળકોના પ્રોત્સાહન અને તેમના ઉજ્જવળ ભવિષ્ય માટે ઉપયોગી બની રહે તેવો આશય વ્યક્ત કરવામાં આવ્યો હતો.

સંગઠનના હોદ્દેદારોએ આયોજનને સફળ બનાવ્યું

આ સમગ્ર આયોજનને સફળ બનાવવા ભાવનગર જિલ્લા માજી સૈનિક સંગઠનના પ્રમુખ સુરુભા, સેક્રેટરી ગજેન્દ્રસિંહ, ટ્રેજરર હઠીસિંગભાઈ, ઉપપ્રમુખ મહિપતસિંહ, ઉપટ્રેજરર ફતુભા, ઈ.સી. મેમ્બર સી.એલ. મહેતા સહિત સંગઠનના તમામ સભ્યોએ મહેનત કરી હતી. માજી સૈનિકો અને તેમના પરિવારજનોની ઉપસ્થિતિથી કાર્યક્રમમાં ઉત્સાહ અને ગૌરવનો માહોલ જોવા મળ્યો હતો.

આ પણ વાંચોઃ Independence Day: જૂનાગઢમાં ગિરનાર મંડળના સંતોએ ઉજવ્યો સ્વાતંત્ર્ય પર્વ, કહ્યું હર ઘર ત્રિરંગા રાષ્ટ્રભક્તિનું મોટું અભિયાન