Bhavnagar News: સરકારી જમીન પરના દબાણ અંગે રજૂઆત કરવી ભારે પડી, ફરિયાદી પરિવાર પર ધોકા-પાઇપ વડે હુમલો

Bhavnagar ના એક પરિવાર પર હુમલો

પ્રાપ્ત વિગતો અનુસાર, ભોગ બનનાર વલકુંભાઈ કોટીલાએ આ અંગે પાલીતાણા ટાઉન પોલીસમાં ફરિયાદ નોંધાવી છે. જેમાં જણાવ્યા મુજબ, કાકાના દીકરા સહિતના 6 શખ્સોએ એકસંપ થઈને ફરિયાદીના ઘરે આવી ધોકા અને પાઇપો વડે જીવલેણ હુમલો કર્યો હતો. હુમલાખોરોએ માત્ર માર જ નહીં માર્યો પરંતુ ઘરમાં ઘૂસીને તોડફોડ પણ કરી હતી, જેમાં બે વ્યક્તિઓને ગંભીર ઈજાઓ પહોંચી હતી.

પોલીસે 6 શખ્સો વિરુદ્ધ ગુનો નોંધી તપાસ હાથ ધરી

ઈજાગ્રસ્તોને તાત્કાલિક સારવાર અર્થે હોસ્પિટલ ખસેડવામાં આવ્યા હતા. આ સમગ્ર ઘટનાના CCTV ફૂટેજ પણ સોશિયલ મીડિયામાં વાયરલ થયા છે, જેના આધારે ટાઉન પોલીસે 6 શખ્સો વિરુદ્ધ ગુનો નોંધી કાયદેસરની તપાસ હાથ ધરી છે. આ ઘટનાને પગલે શક્તિનગર વિસ્તારમાં ભારે ચકચાર મચી જવા પામી છે.

આ પણ વાંચો:  Surat News: આ નકલી સાબુ તમે તો નથી વાપરતા ને? જાણીતી બ્રાન્ડના સાબુની બનાવટી ફેક્ટરી ઝડપાઈ, લાખોનો મુદ્દામાલ જપ્ત