Bhavnagar politics News: 2027 માં પરસોત્તમ સોલંકીના પુત્ર દિવ્યેશ સોલંકી લડશે ચૂંટણી, કોળી સમાજ આગેવાન પ્રવીણ કોળીમું મોટુ નિવેદન

"પક્ષ ગમે તે નિર્ણય લે, પણ સમાજનો મત સ્પષ્ટ છે"

પ્રવીણભાઈ કોળીએ વધુમાં જણાવ્યું હતું કે, રાજકીય પક્ષો જે પણ નિર્ણય લે તે તેમની બાબત છે, પરંતુ કોળી સમાજની ઈચ્છા મુજબ દિવ્યેશ સોલંકી જ ચૂંટણી લડશે. તેમણે ઉમેર્યું હતું કે, દિવ્યેશ સોલંકી એક સક્રિય યુવા નેતા છે અને જ્યારે પણ સમાજને તેમની જરૂર પડે છે, ત્યારે તેઓ ત્વરિત હાજર થઈ જાય છે. પ્રવીણભાઈએ એવો પણ કટાક્ષ કર્યો હતો કે દિવ્યેશ સોલંકીને પોતાની ઓળખ બનાવવા માટે દિલ્હી જઈને બે-બે અધિવેશન કરવાની જરૂર નથી, તેમનું કામ જ તેમની ઓળખ છે.

પરસોત્તમભાઈ સોલંકીનું યોગદાન અને ભવિષ્યની રણનીતિ

પ્રવીણભાઈએ સ્પષ્ટતા કરી હતી કે મંત્રી પરસોત્તમભાઈ સોલંકીએ કોળી સમાજમાં મોટી જાગૃતિ લાવી છે અને તેઓ સમાજના સર્વસ્વીકૃત નેતા છે. જોકે, હાલ તેમની તબિયત નાદુરસ્ત હોવાથી દિવ્યેશ સોલંકી સક્રિય ભૂમિકા ભજવી રહ્યા છે. પ્રવીણભાઈએ વિશ્વાસ વ્યક્ત કર્યો હતો કે 2027 પછી કોળી અને ઠાકોર સમાજના સુદ્રઢ દિવસો આવશે.

જન્મદિવસની સેવાકીય ઉજવણી

ઉલ્લેખનીય છે કે, દિવ્યેશ સોલંકીના આવતીકાલના જન્મદિવસ નિમિત્તે, આજે હોસ્ટેલમાં રહેતી કોળી સમાજની વિદ્યાર્થીનીઓને જરૂરી વસ્તુઓનું વિતરણ કરીને સેવાકીય રીતે ઉજવણી કરવામાં આવશે.

આ પણ વાંચો:  Kon Banshe Gujarat No Genius ના 'ડિજિટલ દંગલ'માં ગાંધીનગરના નિકુંજભાઈ સુથાર થયા સિલેક્ટ