Rain in Bhavnagar : મહુવામાં 12 કલાકમાં 11 ઇંચ વરસાદ, શેત્રુંજી ડેમના 20 દરવાજા ખોલાયા!

કમોસમી વરસાદે ખેડૂતોને રડાવ્યા તો બીજી તરફ લોકોનું જનજીવન ખોરવાયું !| Gujarat First

ખત્રીવાડા ગામ કમોસમી વરસાદના કારણે બેટમાં ફેરવાયું
ભાવનગર શહેર અને જિલ્લામાં કમોસમી વરસાદનો કહેર
કુંભરવાડા વિસ્તારમાં આવેલ કૈલાસ વાડી પાસે ભરાયા પાણી
લોકોના ઘરોમાં પાણી ઘુસી જતા લોકો પરેશાન… pic.twitter.com/Dc2S7a038H

— Gujarat First (@GujaratFirst) October 27, 2025

Rain in Bhavnagar, મહુવા, કુંભારવાડા, સિહોર વિસ્તારોમાં કમોસમી વરસાદનો કહેર!

ભાવનગરમાં કમોસમી વરસાદે કહેર વર્તાવ્યો હોય (Rain in Bhavnagar) તેવા દ્રશ્યો સામે આવ્યા છે. મહુવા, કુંભારવાડા (Kumbharwada, સિહોર સહિતનાં વિસ્તારોમાં ઠેર-ઠેર પાણી ભરાયા છે. મહુવામાં ભારે કમોસમી વરસાદ થતા તાલુકો પાણી-પાણી થયો છે. વડલી ગામનાં પ્રાથમિક આરોગ્ય કેન્દ્ર અને આયુષ્માન આરોગ્ય કેન્દ્રમાં પાણી ભરાતાં મેડિકલ સુવિધાઓ ખોરવાઈ ગઈ છે, જેનાથી સ્થાનિકોને જરૂરી સારવાર મેળવવામાં હાલાકીનો સામનો કરવો પડ્યો છે. વરસાદથી નીચાણવાળા વિસ્તારોમાં પાણી ભરાયા છે, જેનાથી ટ્રાફિક અને જનજીવન પ્રભાવિત થયું છે. ખેતરોમાં પાણી ભરાતા પાકને પણ નુકસાનની ભીતિ સર્જાઈ છે. વહીવટીતંત્રે નીચાણવાળા વિસ્તારોમાં એલર્ટ જાહેર કર્યું છે. લોકોને સાવચેત રહેવા અને સુરક્ષિત સ્થળે ખસવાની સૂચના આપી છે.

ભાવનગરના મહુવામાં ભારે વરસાદ ખાબક્યો
વડલી ગામના પ્રાથમિક આરોગ્ય કેન્દ્રમાં પાણી ભરાયું
જામવાળા ગીરમાં આવેલા શિંગોડા ડેમમાં પાણીની આવક
વાદળછાયા વાતાવરણ વચ્ચે દ્વારકાના દરિયામાં કરંટ
દરિયામાં તોફાનના પગલે દ્વારકાના દરિયામાં કરંટ
પોરબંદરના દરિયામાં બાર્જ તણાયું
ગીર સોમનાથમાં… pic.twitter.com/194hc0pogj

— Gujarat First (@GujaratFirst) October 27, 2025

આ પણ વાંચો - Chhath Puja 2025 : કોઝવે પાસે છઠ પૂજા માટે કરેલી તૈયારી ખોરવાઈ, ભક્તોને ખાસ અપીલ

લોકોનાં ઘર, ખેતરમાં પાણી ઘૂસ્યા, પાકને નુકસાનની ભીતિ

માહિતી અનુસાર, મહુવામાં છેલ્લા 12 કલાકમાં 11 ઇંચ વરસાદ નોંધાયો છે. નવા કુંભારવાડા વિસ્તારમાં લોકોના ઘરમાં પાણી ઘૂસ્યા છે, જેથી અનાજ, ઘરવખરી પલળી જતાં લોકોને ભારે હાલાકી ભોગવવાનો વારો આવ્યો છે. નાના છોકરાઓને બોટમાં બેસાડીને લઈ જવા માટેની ફરજ પડી છે. સમગ્ર વિસ્તારમાં પાણી ભરાઈ જતા સ્થાનિકોને ભારે હાલાકી થઈ છે. જયારે ગાંધીબાગ, વાસી તળાવ, પર્સીવલ પરા, જનતા પ્લોટ તેમ જ અન્ય વિસ્તારો પાણીમાં ગરકાવ થયા છે.

આ પણ વાંચો - Gujarat Rain: રાજ્યમાં કમોસમી વરસાદનું સંકટ, આ વિસ્તારોમાં ભારેથી અતિભારે વરસાદની આગાહી

ખુટવડાથી બોરડી ગામને જોડતો પુલ તૂટ્યો, વાહનવ્યવહાર બંધ!

ઉપરાંત, મોટા ખુટવડાથી બોરડી ગામને જોડતો પુલ પણ તૂટી પડ્યો છે, જેનાં કારણે મુખ્ય માર્ગ બંધ થયો છે અને વાહન વ્યવહાર ઠપ થયો છે. શેત્રુંજી ડેમની (Shetrunji Dam) વાત કરીએ તો ઉપરવાસમાં પડેલા વરસાદનાં કારણે ડેમ ઓવરફ્લો થયો છે. ડેમમાં 5310 ક્યુસેક પાણીની આવક અને જાવક નોંધાઈ છે. નવા નીરની આવક થતા શેત્રુંજી ડેમનાં 20 દરવાજા એક ફૂટ સુધી ખોલવામાં આવ્યા છે. બીજી તરફ જેસર પંથકમાં ભારે વરસાદે હાહાકાર મચાવ્યો છે. શાંતિનગર, કોટામુઈ, બિલા અને ઉગલવણમાં ભારે વરસાદ નોંધાયો છે, જેના કારણે માલણ ડેમનાં (Malan Dam) 30 દરવાજા ખોલવામાં આવ્યા છે.

આ પણ વાંચો - Unseasonal rain in Gujarat : રાજ્યમાં આગામી 3 દિવસ સામાન્યથી ભારે વરસાદની આગાહી