ભાજપના તમામ પ્રયાસો છતાં જીત મળી નહીં
બાંકીપુરમાં ભાજપ (BJP)એ પોતાની સંપૂર્ણ તાકાત લગાવી હતી. પાર્ટીના રાષ્ટ્રીય અધ્યક્ષ નીતિન નવીન (Nitin Naveen), મુખ્યમંત્રી સમ્રાટ ચૌધરી (Samrat Choudhary), અનેક કેન્દ્રીય મંત્રીઓ (Union Ministers) તેમજ રાજ્યના મંત્રીઓએ સતત પ્રચાર કર્યો હતો. તેમ છતાં ભાજપ પોતાનો પરંપરાગત ગઢ બચાવવામાં નિષ્ફળ રહ્યું.
ભાજપની હાર પાછળના 10 મહત્વપૂર્ણ કારણો
- સૌથી મોટું કારણ ભાજપ વિરોધી લાગણી (Anti-Incumbency) અને પાર્ટીનો વધુ પડતો આત્મવિશ્વાસ (Overconfidence) માનવામાં આવી રહ્યો છે. મતદાતાઓમાં પરિવર્તનની ઈચ્છા સ્પષ્ટ જોવા મળી.
- નીટ પેપર લીક (NEET Paper Leak) વિવાદ અને વિદ્યાર્થીઓના વિરોધ પ્રદર્શનોએ પણ ચૂંટણીના માહોલને પ્રભાવિત કર્યો. યુવાઓમાં સરકાર પ્રત્યે અસંતોષ જોવા મળ્યો.
- UGC સંબંધિત મુદ્દાઓ અને ઉચ્ચ જાતિના વિદ્યાર્થીઓમાં રહેલો ગુસ્સો પણ મતદાન પર અસરકારક સાબિત થયો.
- ભરત તિવારી (Bharat Tiwari) કેસને લઈને લોકોમાં નારાજગી હતી. આ ઘટનાએ રાજ્ય સરકારની કાર્યશૈલી અને કાયદો-વ્યવસ્થા (Law and Order) અંગે અનેક પ્રશ્નો ઊભા કર્યા.
- તાજેતરમાં મુખ્યમંત્રી સમ્રાટ ચૌધરી (Samrat Choudhary) સામે વધી રહેલું અસંતોષનું વાતાવરણ પણ ભાજપ માટે નુકસાનકારક બન્યું. પ્રશાંત કિશોર સતત સરકાર પર હુમલાઓ કરતા રહ્યા અને રોજગાર (Employment), શિક્ષણ (Education) તથા વિકાસ (Development) જેવા મુદ્દાઓને પ્રાથમિકતા આપી.
- ચૂંટણી દરમિયાન કોંગ્રેસ (Congress) અસરકારક રીતે સક્રિય રહી નહીં અને આરજેડી (RJD) પણ અંતિમ તબક્કે જ પ્રચારમાં જોવા મળી. પરિણામે વિરોધ પક્ષના મોટા ભાગના મત પ્રશાંત કિશોર તરફ વળ્યા. મુસ્લિમ (Muslim) અને યાદવ (Yadav) મતદારોનું સમર્થન પણ તેમને મળ્યું હોવાનું માનવામાં આવે છે.
- આ ચૂંટણીમાં પહેલી વખત જાતિ (Caste) અને ધર્મ (Religion)નો પ્રભાવ પ્રમાણમાં ઓછો જોવા મળ્યો. મતદાતાઓએ ઉમેદવાર અને મુદ્દાઓને પ્રાથમિકતા આપી.
- ઉમેદવારની પસંદગી પણ ભાજપ માટે મોટું નુકસાન સાબિત થઈ. શરૂઆતમાં ઉમેદવાર બદલવાની મૂંઝવણ બાદ પાર્ટીએ નબળા ઉમેદવારને મેદાનમાં ઉતાર્યો, જ્યારે પ્રશાંત કિશોર લોકવિશ્વાસ જીતવામાં સફળ રહ્યા.
- અંતે ભાજપનો અતિશય આત્મવિશ્વાસ (Overconfidence) તેના માટે સૌથી મોટી નબળાઈ બની ગયો અને 3 દાયકાથી અજય મનાતી બાંકીપુર બેઠક પર પાર્ટીને ઐતિહાસિક હારનો સામનો કરવો પડ્યો. આ પરિણામને બિહારની આગામી રાજકીય દિશા માટે મહત્વપૂર્ણ સંકેત તરીકે પણ જોવામાં આવી રહ્યું છે.
આ પણ વાંચો : Bihar Crocodile Video : 5 ફૂટના મગરને ખભા પર ઊંચકીને ચાલ્યો ખેડૂત, રસ્તામાં લોકોની લાગી ભીડ
