સૈંકડો ટ્રેક્ટર અને ફાર્મ મશીનરી પાણીમાં ડૂબી

દીદારગંજના યાર્ડમાં ઊભેલા સૈંકડો ટ્રેક્ટર (Tractors) અને ફાર્મ મશીનરી (Farm Machinery) ગંદા પૂરના પાણીમાં ગરકાવ થઈ ગયા છે. યાર્ડનો મોટો ભાગ પાણી હેઠળ આવી ગયો છે અને અનેક ટ્રેક્ટરના પૈડાં પણ ઊંડા પાણીમાં ડૂબેલા દેખાય છે. આસપાસના મેદાનમાં કાદવ (Mud) અને ગંદુ પાણી ભરાઈ જવાથી સ્થિતિ વધુ મુશ્કેલ બની છે. દીદારગંજ ગંગા કિનારે આવેલો નીચાણવાળો વિસ્તાર હોવાથી નદીનું પાણી આસપાસ ફેલાતાં યાર્ડ પણ તેની ઝપેટમાં આવ્યું છે. આ દૃશ્ય બિહારમાં ઝડપથી વધી રહેલા પૂર (Bihar Flood)ના જોખમની ગંભીરતા દર્શાવે છે.

#WATCH | Patna, Bihar: A tractor yard, located in low-lying area near the banks of river Ganga, flooded as the river overflowed and flooded residential areas. Visuals from Didarganj Check Post in Patna. pic.twitter.com/JkWjt0E25a

— ANI (@ANI) September 8, 2026

પટનામાં ગંગાએ તોડ્યો જૂનો રેકોર્ડ

પટનાના ગાંધી ઘાટ (Gandhi Ghat) પર ગંગાનું જળસ્તર 50.57 મીટર સુધી પહોંચી ગયું છે, જે 2016માં નોંધાયેલા અત્યાર સુધીના સૌથી ઊંચા સ્તર કરતાં 5 સેન્ટિમીટર વધારે છે. રાજ્યના 11 જિલ્લાઓમાં પૂરનો પ્રભાવ છે અને અંદાજે 16.85 લાખ લોકો અસરગ્રસ્ત થયા છે. ગંગા ઉપરાંત કોસી, ગંડક અને બાગમતી નદીઓ પણ જોખમના નિશાન (Danger Mark)થી ઉપર વહી રહી છે. દાનાપુર-દિયારા વિસ્તારમાં પાણી ઘરો, દુકાનો અને શાળાઓ સુધી પહોંચી ગયું છે. પરિસ્થિતિને ધ્યાનમાં રાખીને પ્રશાસને SDRFની બોટ, જવાનો અને ગોતાખોરોની ટીમો તૈનાત કરી છે. દીદારગંજમાં જ્યાં સામાન્ય રીતે ટ્રેક્ટર અને કૃષિ મશીનરીથી ભરેલું યાર્ડ જોવા મળતું હતું, ત્યાં હવે માત્ર પાણી અને કાદવ દેખાઈ રહ્યો છે.

આ પણ વાંચો : Weather Forecast India : સપ્ટેમ્બરમાં ફરી રૌદ્ર રૂપ બતાવશે ચોમાસું! દિલ્હી, UP સહિત આ રાજ્યોમાં ભયંકર વરસાદનું એલર્ટ