આખરે વાયરલ વીડિયોમાં એવું તે શું છે?

ઇન્સ્ટાગ્રામ (Instagram) પર પવન નામના એક યુઝરે @its_pawan2.0 એકાઉન્ટ પરથી આ વીડિયો શેર કર્યો છે. આ વીડિયો કોઈ ચાલતી ટ્રેન (Train) માંથી શૂટ કરવામાં આવ્યો છે. ટ્રેનની સ્પીડ વધતા જ રેલવે ટ્રેકની કિનારે બનેલી ઝૂંપડીઓ દેખાવા લાગે છે. પરંતુ આ વખતે લોકોનું ધ્યાન ત્યાંની ગંદકી પર નહીં, પણ તે કાચી ઝૂંપડીઓની દીવાલો પર લટકેલા ચમકતા એર કંડિશનર (Air Conditioner - AC) પર જાય છે. વીડિયોમાં સ્પષ્ટ જોઈ શકાય છે કે સામાન્ય ઝૂંપડીઓમાં એક નહીં, પરંતુ કેટલીક જગ્યાએ તો બબ્બે એસી (AC) લગાવેલા છે.

કરોડોમાં વ્યુઝ અને ઇન્ટરનેટ પર ધમાકો

આ વીડિયો ઇન્ટરનેટ પર આગની જેમ ફેલાઈ ગયો છે. અત્યાર સુધીમાં આ વીડિયોને 1.4 કરોડથી વધુ વખત જોવામાં આવ્યો છે, જ્યારે 2.5 લાખથી વધુ લોકોએ તેને લાઈક્સ (Likes) કર્યો છે. સોશિયલ મીડિયા યુઝર્સ આ વીડિયો જોઈને આશ્ચર્યચકિત થઈ ગયા છે અને તેના પર અવનવી અને રમુજી કમેન્ટ્સ (Comments) કરી રહ્યા છે.

વીજળી ચોરીથી લઈને દહેજના દાવા સુધીની રસપ્રદ ચર્ચા

ઝૂંપડીઓમાં એસી જોઈને કમેન્ટ બોક્સમાં એક મોટી ચર્ચા છેડાઈ ગઈ છે. એક યુઝરે મજાકિયા અંદાજમાં લખ્યું કે, "બિહારીઓ કોઈનાથી કમ નથી ભાઈ, ગરીબ ભલે રહી લેશે પણ ગરમી સાથે કોઈ સમજૂતી નહીં કરે." જ્યારે બીજા એક યુઝરે આ જુગાડ ટેક્નોલોજી પર શંકા વ્યક્ત કરતા લખ્યું, "આ ચોક્કસ વીજળી ચોરી (Electricity Theft) નો કમાલ છે બાબુ ભૈયા!" તો વળી ત્રીજા યુઝરે કટાક્ષ કર્યો કે, "નક્કી આ એસી દહેજ (Dowry) માં મળ્યું હશે, હવે મળ્યું છે તો ચલાવવું જ પડશે ને!"

 

View this post on Instagram

 

A post shared by pawan kumar singh (@its_pawan2.0)

કેટલાક સ્થાનિક લોકોએ તો આ જગ્યાની ઓળખ પણ કરી લીધી છે. એક યુઝરના જણાવ્યા અનુસાર, આ પટનાના સચિવાલય હાલ્ટ (Sachivalaya Halt) પાસેની ઝૂંપડપટ્ટીનો વીડિયો છે, જ્યારે બીજા એક યુઝરે તેને ફુલવારી શરીફ (Phulwari Sharif) પાસેનો વિસ્તાર ગણાવ્યો છે. જે પણ હોય, આ વીડિયોએ લોકોનું ધ્યાન ચોક્કસ ખેંચ્યું છે.

આ પણ વાંચો : Viral Video : લગ્ન નક્કી થતાં જ યુવતીએ મુંડન કરાવ્યું! મરજી વિરુદ્ધ લગ્નનો અનોખો વિરોધ કે પબ્લિસિટી સ્ટંટ?