Ahmedabad News: અમદાવાદમાં બ્લડ પ્લાઝમા ભેળસેળનું કૌભાંડ, 4 આરોપીઓ ઝડપાયા

6 મહિનાથી ચાલતું પ્લાઝમા કૌભાંડ કેવી રીતે આવ્યું સામે?

મુખ્ય આરોપી દિનેશ ચૌધરી અને તેના સાથીદારો મોહન ગાયકવાડ, રફિક ખલીફા તથા જીતેન્દ્ર સોલંકી છેલ્લા ૬ મહિનાથી આ કૌભાંડ ચલાવી રહ્યા હતા. આરોપીઓ એન્ટી-કેન્સર કંપનીના અસલી બ્લડ પ્લાઝમા ચોરી કરી, તેમાંથી પ્લાઝમા કાઢીને તેની જગ્યાએ નકલી પ્લાઝમા ભરી દેતા હતા. આ નકલી પ્લાઝમાને તેઓ બજાર કિંમત કરતા અડધા ભાવે મહારાષ્ટ્રમાં વેચતા હતા.

પોલીસની કાર્યવાહી

SOG ની ટીમે આ સમગ્ર રેકેટનો પર્દાફાશ કરીને આરોપીઓ પાસેથી 11  લાખની કિંમતની કુલ 1140  પ્લાઝમા બેગ જપ્ત કરી છે. આ મામલે બ્લડ ચોરી અને નકલી પ્લાઝમા બનાવવાનો ગુનો દાખલ કરી કાયદેસરની કાર્યવાહી હાથ ધરવામાં આવી છે. કેન્સર જેવા ગંભીર રોગની સારવારમાં વપરાતા પ્લાઝમા સાથેની આ છેતરપિંડીથી લોકોના જીવ જોખમમાં મૂકાવાની શક્યતા હોવાથી પોલીસે આ ઘટનાને અત્યંત ગંભીરતાથી લીધી છે.

આ પણ વાંચો:  Chaitar Vasava found guilty: ડેડિયાપાડાના ધારાસભ્ય ચૈતર વસાવાને મોટો ઝટકો, કોર્ટે જાહેર કર્યા દોષિત!