Ahmedabad ના બોપલ ગામમાં નરક જેવી સ્થિતિ, અમીધારા સોસાયટીમાં વરસાદી પાણી સાથે ડ્રેનેજનું પાણી ભરાતા લોકો ત્રાહિમામ

ચારેબાજુ ફેલાઈ અસહ્ય દુર્ગંધ

સ્થાનિક નાગરિકોના જણાવ્યા અનુસાર, દર વર્ષે ચોમાસા દરમિયાન કે થોડા જ સમયના વરસાદમાં અહીં વોટર લોગિંગની સમસ્યા સર્જાય છે. ડ્રેનેજ લાઈનો ચોક થઈ જવાની અને પાણીનો યોગ્ય નિકાલ ન થવાની કાયમી સમસ્યા સામે તંત્ર દ્વારા કોઈ નક્કર પગલાં લેવામાં આવતા નથી. વારંવાર રજૂઆતો કરવા છતાં તંત્રની નિષ્ક્રિયતાના કારણે રહીશોને હાલાકી ભોગવવાનો વારો આવે છે.

સોસાયટીમાં ડ્રેનેજ મિશ્રિત પાણીથી હાહાકાર

હાલ અમીધારા સોસાયટીના લોકો ભારે રોષે ભરાયા છે અને વહેલી તકે ડ્રેનેજનું પાણી પાછું ખેંચીને દવા છાંટવાની માંગ કરી રહ્યા છે. સોસાયટીના રહીશોએ તંત્ર પાસે માંગ કરી છે કે આ સમસ્યાનો કોઈ કાયમી અને વૈજ્ઞાનિક અભિગમ સાથેનો ઉકેલ લાવવામાં આવે, જેથી આગામી સમયમાં નાગરિકોએ આવી નરક જેવી સ્થિતિનો સામનો ન કરવો પડે. સ્થાનિક પ્રશાસન દ્વારા તાત્કાલિક ધોરણે પંપ લગાવીને પાણી બહાર કાઢવાની કામગીરી શરૂ કરવામાં આવે તેવી ઉગ્ર માંગ ઉઠી છે.

આ પણ વાંચો : Valsad Rain : વલસાડમાં ઔરંગા નદીના રૌદ્ર સ્વરૂપે કાશ્મીરાનગરમાં મચાવી તારાજી, લોકો તંત્ર આગળ લાચાર