Ahmedabad : ચાંદલોડિયા ગરનાળામાં હજુ પણ પાણીનો ભરાવો, કોર્પોરેશન જાણે છે તેમ છત્તા કામગીરીમાં ઉદાસીનતા!

આ ગરનાળું સ્થાનિકો માટે અવરજવરનો મુખ્ય માર્ગ છે

પરંતુ પાણી ભરાઈ જવાના કારણે રસ્તો સંપૂર્ણપણે બંધ કરી દેવામાં આવ્યો છે. પરિણામે, શાળાએ જતા વિદ્યાર્થીઓ, નોકરીએ જતા કર્મચારીઓ અને સ્થાનિક વેપારીઓને ભારે હાલાકીનો સામનો કરવો પડી રહ્યો છે. ગરનાળું બંધ હોવાથી લોકોને તેમના ગંતવ્ય સ્થાન સુધી પહોંચવા માટે 1 કિલોમીટરથી પણ વધુનો લાંબો ફેરો ફરીને જવું પડે છે. કામના સમયે લોકોનો કિંમતી સમય આ લાંબા રસ્તાઓને કારણે બગડી રહ્યો છે.

સ્થાનિક રહીશોના મતે આ કોઈ નવી વાત નથી

દર વર્ષે ચોમાસા દરમિયાન આ ગરનાળું સ્થાનિકો માટે 'આફતનું ઘર' બની જાય છે. વરસાદ પડે કે તરત જ અહીં પાણી ભરાઈ જાય છે અને તે ઉતરતા અનેક કલાકો કે દિવસો નીકળી જાય છે. મ્યુનિસિપલ તંત્ર દ્વારા દર વર્ષે કામગીરીના દાવા કરવામાં આવે છે, પરંતુ જમીની હકીકત કંઈક અલગ જ છે.

ગરનાળાની ડ્રેનેજ સિસ્ટમ અને પંપિંગ સુવિધા ક્યાંક ને ક્યાંક વામણી પુરવાર થઈ રહી છે, જેના ભોગ વર્ષોથી સ્થાનિકો બની રહ્યા છે. કોર્પોરેશનના સત્તાધીશો અને અધિકારીઓ જુઓ આ સ્થિતિ, તમને લાગે કે આ સમસ્યા દૂર થવી જોઈએ તો ઝડપથી દૂર કરો અને લોકોને રાહત આપો તે જરૂરી બન્યું છે.

આ પણ વાંચો : Rajkot Crime Branch નો સપાટો, ક્રેટા કારમાં ખાસ ચોરખાનું બનાવી દારૂની હેરાફેરી કરનાર ઝડપાયો