Ahmedabad Terrorist Arrest: ગુજરાતમાં આતંકી ષડયંત્ર નાકામ, જૈશ-એ-મોહમ્મદના 8 આતંકીઓ પાલનપુર અને સિદ્ધપુરથી ઝડપાયા

તેઓ ગુજરાત રાજ્યમાં પોતાની આતંકવાદી પ્રવૃત્તિઓ (Terror Activities) ને આગળ ધપાવવા માટે એક મોટું અને સક્રિય સ્લીપર સેલ નેટવર્ક (Network) ઊભું કરવાની પેરવીમાં હતા, પરંતુ તે પહેલાં જ વહીવટી તંત્ર અને તપાસ એજન્સીઓએ તેમના મનસૂબા પર પાણી ફેરવી દીધું છે. આ અંગે સત્તાવાર માહિતી આપવા માટે એક પ્રેસ કોન્ફરન્સ (Press Conference) નું પણ આયોજન કરવામાં આવ્યું છે.

બનાસકાંઠા, પાટણ અને નવસારીમાંથી ઝડપાયા આતંકીઓ

ધરપકડ કરાયેલા આરોપીઓ ગુજરાતના જુદા જુદા જિલ્લાઓમાં ધાર્મિક સ્થળો અને સોસાયટીઓની આડમાં છુપાયેલા હતા. પોલીસ અહેવાલ મુજબ, બનાસકાંઠા (Banaskantha) જિલ્લાના પાલનપુર (Palanpur) ખાતે આવેલા ભાગલ (Bhagal) વિસ્તારમાંથી 3 આરોપીઓ ઝડપાયા છે. આ ઉપરાંત પાટણ (Patan) જિલ્લાના સિદ્ધપુર (Siddhpur) માં આવેલી એક મદ્રાસામાંથી 3 શંકાસ્પદોની ધરપકડ કરવામાં આવી છે.

જ્યારે નવસારી (Navsari) જિલ્લાના ચીખલી (Chikhli) પંથકમાંથી 1 આરોપીની અટકાયત કરાઈ છે. આ ઓપરેશનના તાર મધ્ય પ્રદેશ (Madhya Pradesh) સુધી જોડાયેલા હોવાથી ત્યાંના દેવાસ (Dewas) માંથી પણ 1 આરોપીને ઝડપી લેવામાં આવ્યો છે.

ઊંડી પૂછપરછ શરૂ: રાષ્ટ્રીય સુરક્ષા એજન્સીઓ એલર્ટ પર

આ તમામ આરોપીઓની આકરી પૂછપરછ (Interrogation) શરૂ કરવામાં આવી છે. તેઓ સોશિયલ મીડિયા (Social Media) ના માધ્યમથી પાકિસ્તાન સ્થિત આકાઓ સાથે સંપર્કમાં હતા કે કેમ અને ગુજરાતમાં તેમના નિશાના પર કોણ હતું, તે દિશામાં તપાસ ચલાવવામાં આવી રહી છે. પકડાયેલા આરોપીઓ પાસેથી મળેલા ડિજિટલ પુરાવાઓના આધારે આગામી દિવસોમાં વધુ ધરપકડ થાય તેવી પૂરેપૂરી શક્યતા છે.

ઝડપાયેલા આરોપીઓના નામ અને વિગતવાર માહિતી

અહમદ અબ્દુલ્લા ગાજીવાળા
ઇબ્રાહિમ મોહમ્મદ હુસેન ઘાઘા
મુદસ્સિર અબ્દુલ્લા ગાજીવાળા
ઝકારિયા દુરાની મોહમ્મદ અમ્માર ઘાઘા
મુફ્તિ ફૌજાન ઇસ્માઇલ દાઉવા
મોહમ્મદ અમીન શેરા
મોહમ્મદ અબ્દુલ રહેમાન સાવડી
બિલાલ મોહમ્મદ અમ્માર ઘાઘા