Ahmedabad ના ત્રાગડમાં આવેલ શિક્ષાપત્રી રેસીડેન્સીના બેઝમેન્ટમાં ઘૂસ્યા પાણી, AMC અને GMC ની હદને લઈ પિસાઈ રહી છે જનતા!

બેઝમેન્ટમાં ભરાયા વરસાદી પાણી

અમદાવાદના ત્રાગડ ગામ આવેલ શિક્ષાપત્રી રેસીડેન્સીના બેઝમેન્ટમાં ભરાયા વરસાદી પાણી અને રોડ પર ભરેલા વરસાદી પાણી બેઝમેન્ટમાં ઘૂસ્યા હોવાની વાત સામે આવી છે, હજી પણ રોડ પર ત્રણ ફૂટ જેટલા પાણી ભરાયેલા છે અને મુખ્ય ડ્રેનેજ લાઇન બ્લોક થતા વરસાદી પાણી બેઝમેન્ટમાં ઘૂસ્યા હોવાની વાત સામે આવી છે.

બેઝમેન્ટમાં વરસાદી પાણી ભરાતા સ્થાનિકો થયા પરેશાન. તો સ્થાનિકોનો આક્ષેપ છે કે, ધારાસભ્ય કે કોર્પોરેટર કોઈ અહીંયા અમારી હાલત શું છે તે જોવા શુદ્ધા આવ્યા નથી.

હદને લઈ વિવાદ છે?

સ્થાનિક રહીશોનો આક્ષેપ છે કે, AMC (અમદાવાદ મ્યુનિસિપલ કોર્પોરેશન) અને GMC (ગાંધીનગર મ્યુનિસિપલ કોર્પોરેશન) વચ્ચેના વહીવટી મતભેદોના કારણે આ વિસ્તારના લોકો વારંવાર પિસાઈ રહ્યા છે. હદ નક્કી કરવાના વિવાદોમાં વિકાસના કામો અને વરસાદી પાણીના નિકાલની વ્યવસ્થા પર કોઈ ધ્યાન આપવામાં આવતું નથી. જ્યારે પણ વરસાદ પડે છે, ત્યારે આ જ વિસ્તાર 'ટાપુ'માં ફેરવાઈ જાય છે. અનેકવાર રજૂઆતો કરવા છતાં તંત્ર કુંભકર્ણની નિદ્રામાં હોય તેમ જણાય છે.

આ પણ વાંચો : Rajkot : ભાદર-2 ડેમમાં જળસંગ્રહ 70%ને પાર, ધોરાજી, ઉપલેટા અને કુતિયાણાના 35થી વધુ ગામો માટે હાઈ એલર્ટ