Ahmedabad: GT VS RCB વચ્ચેની ફાઈનલ મેચનો ગાંડો ક્રેઝ, હોટલથી લઈને ફ્લાઈટ સુધીના ભાડામાં વધારો
અમદાવાદ (Ahmedabad) ના મોટેરા સ્થિત નરેન્દ્ર મોદી સ્ટેડિયમ (Narendra Modi Stadium) ખાતે આવતીકાલે ઇન્ડિયન પ્રીમિયર લીગ (IPL) ની ભવ્ય ફાઇનલ મેચ રમાવા જઈ રહી છે. આ હાઇ-વોલ્ટેજ ફાઇનલ મુકાબલો ગુજરાત ટાઇટન્સ (Gujarat Titans) અને રોયલ ચેલેન્જર્સ બેંગલુરુ (Royal Challengers Bengaluru) વચ્ચે રમાશે. બંને ટીમો પોતાની બીજી આઈપીએલ ટ્રોફી (IPL Trophy) જીતવાના ઇરાદા સાથે મેદાનમાં ઉતરવાની હોવાથી રમતપ્રેમીઓમાં અભૂતપૂર્વ ઉત્સાહ જોવા મળી રહ્યો છે. ઓનલાઇન ટિકિટ બુકિંગ (Online Ticket Booking) કરાવનારા હજારો દર્શકો પોતાની ફિઝિકલ ટિકિટ લેવા માટે સ્ટેડિયમ પર ઉમટી પડ્યા છે, અને મેચ દરમિયાન વરસાદનું વિઘ્ન ન નડે તેવી પ્રાર્થનાઓ કરી રહ્યા છે.
Ahmedabad: હોટલના ભાડામાં વધારો થયો
આ મહામેચના ક્રેઝને કારણે અમદાવાદમાં પ્રવાસન અને હોસ્પિટાલિટી સેક્ટરમાં આર્થિક તેજીનો માહોલ છે. મંદીની સિઝન બાદ અચાનક આવેલી આ તેજીથી હોટલ માલિકો (Hotel Owners) બેહદ ખુશ છે. શહેરમાં હોટલના રૂમ ભાડામાં સામાન્ય દિવસો કરતા અંદાજે રૂ. 5,000 થી 7,000 નો તોતિંગ વધારો ઝીંકાયો છે. હાલમાં ફાઇવ સ્ટાર હોટલ (Five Star Hotel) માં એક રાત્રિનું ભાડું રૂ. 15,000 ને પાર પહોંચી ગયું છે, જ્યારે થ્રી સ્ટાર હોટલો (Three Star Hotels) પણ રૂ. 7,000 થી વધુ ચાર્જ વસૂલી રહી છે.
અમદાવાદ આવતી ફ્લાઇટ્સના ભાડામાં વધારો
બીજી તરફ, અમદાવાદ આવતી ફ્લાઇટ્સના હવાઈ ભાડામાં (Airfare Hike) પણ પ્રચંડ ભડકો થયો છે. રવિવારની રજા અને ફાઇનલ મેચના સંયુક્ત કારણોસર વિમાનના ભાડામાં 3 થી 4 ગણો વધારો નોંધાયો છે. દિલ્હીથી અમદાવાદનું ફ્લાઇટ ભાડું રૂ. 22,000, મુંબઈથી રૂ. 15,000 અને બેંગલુરુથી અમદાવાદનું ભાડું રૂ. 20,000 ને પાર થઈ ચૂક્યું છે.
અમદાવાદ અને મુંબઈ વચ્ચે ટ્રેન શરૂ કરી
ક્રિકેટ રસિકોની આ ભારે ભીડ અને મુસાફરોની સુવિધાને ધ્યાનમાં રાખીને પશ્ચિમ રેલવે (Western Railway) દ્વારા અમદાવાદ અને મુંબઈ વચ્ચે 31 મે અને 1 જૂનના રોજ બે વિશેષ એસી સુપરફાસ્ટ ટ્રેનો (AC Superfast Special Trains) ચલાવવાની જાહેરાત કરવામાં આવી છે. આ સ્પેશિયલ ટ્રેનો વિશેષ ભાડા સાથે ઓપરેટ કરવામાં આવશે, જેથી આર્થિક ભારણ હોવા છતાં મુંબઈના દર્શકોને મોટી રાહત મળશે.
આ પણ વાંચો: Delhi Terror Attack Foiled: દિલ્હીમાં મોટો આતંકી હુમલો નિષ્ફળ, ISI સાથે કનેક્શન ધરાવતા 9 સંદિગ્ધ ઝડપાયા
View this post on Instagram