Ekta Cricket Cup 2026: જગન્નાથજીની 149મી રથયાત્રા નિમિત્તે અમદાવાદ પોલીસ દ્વારા એકતા 'ક્રિકેટ કપ-2026' નું આયોજન

રમતગમત દ્વારા એકતાનો સંદેશ

રથયાત્રાના પવિત્ર પર્વને રમતગમત સાથે જોડીને નાગરિકો અને પોલીસ વચ્ચેના સંબંધો વધુ મજબૂત કરવાના ઉદ્દેશ્યથી આ ટૂર્નામેન્ટનું આયોજન કરવામાં આવ્યું છે. આ પાંચ દિવસીય ટૂર્નામેન્ટમાં કુલ 16 ટીમોએ ભાગ લીધો છે. પોલીસ અને સ્થાનિક યુવાનો વચ્ચેની આ સ્પર્ધા ખેલાડીઓમાં વિશેષ ઉત્સાહ જગાડી રહી છે.

Ekta Cricket Cup 2026: દિગ્ગજોની ઉપસ્થિતિ

આ કાર્યક્રમના ઉદ્ઘાટન પ્રસંગે જગન્નાથજી મંદિરના મહંત શ્રી દિલીપદાસજી મહારાજે રમતવીરોને આશીર્વાદ આપ્યા હતા. તેમણે જણાવ્યું હતું કે, "રથયાત્રાનો ઉત્સવ માત્ર ધાર્મિક નથી, પરંતુ તે સમાજને એક તાંતણે બાંધવાનો ઉત્સવ છે, અને આ ક્રિકેટ ટૂર્નામેન્ટ તે એકતાને સાર્થક કરે છે." અમદાવાદના પોલીસ કમિશનર શ્રી અનુપમસિંહ ગેહલોતે આ આયોજનને બિરદાવતા કહ્યું કે, "પોલીસ અને જનતાના આત્મીય સંબંધો માટે રમતગમત એક ઉત્તમ માધ્યમ છે, જે શાંતિ અને સૌહાર્દ જાળવવામાં મદદરૂપ થાય છે."

ખેલાડીઓ પોતાની ક્ષમતાનું પ્રદર્શન

પાંચ દિવસ સુધી સતત રમાનારી આ મેચોમાં ખેલાડીઓ પોતાની ક્ષમતાનું પ્રદર્શન કરશે. અમદાવાદ પોલીસની આ પહેલ રથયાત્રા પૂર્વે શહેરમાં ઉત્સવનું વાતાવરણ ઉભું કરવામાં સફળ રહી છે.

આ પણ વાંચો: Rath Yatra Security: રથયાત્રાને લઈને સુરક્ષા વ્યવસ્થા સઘન, પોલીસ જવાનોની 10 થી 17 જુલાઈ સુધીની રજાઓ રદ