Ahmedabad Rain : વરસાદ બંધ થયાના 12 કલાક પછી પણ નિકોલ રિંગ રોડ પર જળબંબાકાર !

Ahmedabad Rain :  નિકોલ રિંગ રોડ પર જળબંબાકાર !

ઉલ્લેખનીય છે કે નિકોલ રિંગ રોડ પર સ્થિતિ સૌથી વધુ કફોડી બની છે. રસ્તાઓ પર પાણી ભરાઈ રહેવાને કારણે વાહનચાલકોને ભારે મુશ્કેલીનો સામનો કરવો પડી રહ્યો છે. આ ઉપરાંત, એક તરફ શહેરમાં બ્રિજની કામગીરી ચાલી રહી છે, તો બીજી તરફ વરસાદી પાણીના નિકાલના અભાવે ટ્રાફિક જામની ગંભીર સમસ્યા સર્જાઈ છે. વાહનચાલકો પોતાના વાહનો લઈને કલાકો સુધી ટ્રાફિકમાં ફસાયેલા જોવા મળ્યા હતા, જેના કારણે લોકોમાં તંત્રની કામગીરી સામે રોષ જોવા મળી રહ્યો છે.

ત્રાગડમાં આવેલ શિક્ષાપત્રી રેસીડેન્સીના બેઝમેન્ટમાં ઘૂસ્યા પાણી

અમદાવાદ શહેરમાં મોડી રાત્રે વરસાદ વરસ્યો અને ઠેર-ઠેર પાણી ભરાવાની સમસ્યા ઉભી થઈ છે ત્યારે વરસાદ રોકાઈ ગયો પણ પાણી ઉતરવાનું નામ નથી લઈ રહ્યાં, વરસાદ બંધ થયાના 5 કલાક બાદ પણ સમસ્યા યથાવત છે અને 5 કલાક બાદ પણ રોડ પર 3 ફૂટ સુધીના વરસાદી પાણી ભરાઈ ગયા છે.

આ પણ વાંચો : Surendranagar Rain : ઝાલાવાડ પંથકમાં મેઘરાજાની ધડબડાટી, ભારે વરસાદથી લીંબડીમાં મકાન ધારાશાયી