Ahmedabad: બહુચર્ચીત સુભાષબ્રિજનું કામ નેક્સ્ટ કરાયું, ટેન્ડરને લઈ વિસંગતતા જોવા મળી

ટેન્ડર પ્રક્રિયામાં વિસંગતતા

મળતી માહિતી મુજબ, જૂના ટેન્ડરમાં કન્સલ્ટન્ટની ફી પર GST લાદવામાં આવી હતી, જ્યારે કોર્પોરેશનના નિયમ મુજબ કન્સલ્ટન્ટની ફી પર GST લાગતો નથી. મનપા પર બિનજરૂરી આર્થિક ભાર ન પડે અને પારદર્શિતા જળવાય તે હેતુથી આ કામને તાત્કાલિક અસરથી નેક્સ્ટ (પાછું) કરવામાં આવ્યું હતું. કમિટીની બેઠકમાં કન્સલ્ટન્ટની ફી ઘટાડવા અંગે પણ ગંભીર ચર્ચાઓ કરવામાં આવી હતી.

Ahmedabad:  ટેન્ડરની રકમમાં વધારો

આ આખી પ્રક્રિયા બાદ, સુભાષબ્રિજ પ્રોજેક્ટની અંદાજિત ટેન્ડર રકમમાં ધરખમ ફેરફાર કરવામાં આવ્યો છે. અગાઉના ટેન્ડર કરતા હવે આ રકમ 5 કરોડ રૂપિયાના વધારા સાથે કુલ 241 કરોડ રૂપિયા સુધી પહોંચાડવામાં આવી છે. તંત્રના જણાવ્યા અનુસાર, પ્રોજેક્ટની ગુણવત્તા અને આધુનિક જરૂરિયાતોને ધ્યાનમાં રાખીને આ સુધારેલી રકમ મંજૂર કરવામાં આવી છે. આ પ્રોજેક્ટ અમદાવાદના ટ્રાફિક ભારણને ઘટાડવા માટે અત્યંત મહત્વનો ગણાઈ રહ્યો છે.

આ પણ વાંચો: Dahod: નકલી બેંક બનાવીને છેતરપિંડી, 200 ગ્રામ સોનું લઈને ગઠિયો ફરાર