Ahmedabad: કલેક્ટર કચેરીમાં શ્વાનોનું રાજ, AC ની હવામાં આરામ ફરમાવતાં જોવા મળ્યા શ્વાન

જનસેવા કેન્દ્રની અંદર એર કંડિશનર (AC) ની ઠંડી હવામાં રખડતા શ્વાન આરામ ફરમાવતા નજરે પડ્યા છે, જેને કારણે કચેરીમાં પોતાના કામ અર્થે આવેલા અરજદારો (Applicants) ભારે ભયના ઓથાર હેઠળ જીવી રહ્યા છે.

સાબરમતી સબ-રજિસ્ટ્રાર કચેરીની પણ સરખી સ્થિતિ

માત્ર મુખ્ય કલેક્ટર કચેરી જ નહીં, પરંતુ સબ-રજિસ્ટ્રાર અમદાવાદ-13 સાબરમતી (Sub-Registrar Ahmedabad-13 Sabarmati) ની કચેરીમાં પણ આ જ પ્રકારના દ્રશ્યો જોવા મળ્યા છે. સરકારી કચેરીના મુખ્ય હોલ અને લોબીમાં શ્વાનો મનફાવે તેમ ફરી રહ્યા છે અને ત્યાં જ સોફા કે જમીન પર આરામ કરી રહ્યા છે.

મહત્વના દસ્તાવેજોની નોંધણી માટે સાબરમતી (Sabarmati) ખાતે આવતા લોકોને કચેરીમાં પ્રવેશતા પહેલાં જ ડરનો સામનો કરવો પડે છે. સિક્યોરિટી ગાર્ડ (Security Guard) અથવા સ્થાનિક વહીવટી તંત્ર દ્વારા આ શ્વાનોને બહાર ભગાડવાની કોઈ તહેમત ઉઠાવવામાં આવતી નથી.

નાગરિકોની સુરક્ષા સામે મોટા સવાલો

સ્થાનિક લોકો અને અરજદારોમાં આ વ્યવસ્થાને લઈને ભારે રોષ જોવા મળી રહ્યો છે. કચેરીમાં હાજર કેટલાક લોકોએ સવાલ ઉઠાવ્યો છે કે, જો આ રખડતા શ્વાન કોઈ નાના બાળક કે વયોવૃદ્ધ અરજદારને કરડે અથવા હુમલો કરે, તો તેની જવાબદારી કોણ લેશે? તંત્રની આ ઘોર બેદરકારીને કારણે અરજદારો સુરક્ષિત અનુભવતા નથી.

ચોમાસા અને ઉનાળાની ઋતુમાં સરકારી ભવનો ખુલ્લા રહેતા હોવાથી શ્વાનો અંદર ઘૂસી જાય છે, પરંતુ સત્તાધીશો આ ગંભીર સમસ્યા તરફ આંખ આડા કાન કરી રહ્યા છે. મ્યુનિસિપલ કોર્પોરેશન (Municipal Corporation - AMC) અને કલેક્ટર તંત્ર સંયુક્ત રીતે આ અંગે તાત્કાલિક પગલાં ભરે તેવી લોક માંગ ઉઠી છે.

આ પણ વાંચો: ગુજરાતના રાજકારણમાં ભૂકંપ: પાકા કામના કેદી બન્યા ચૈતર વસાવા, વકીલે કહ્યું- '1 મહિનાની અંદર High Court જઈશું'