B. J. Medical College માં રેગિંગ કેસમાં 3 પીજી વિધાર્થીને સસ્પેન્ડ કરાયા

બીજા વર્ષના સિનિયર વિદ્યાર્થીઓ દ્વારા રેગિંગ કરાયું હતું

નેશનલ મેડિકલ કમિશનમાંથી કોલેજમાં રેગિંગ થયું હોવાની જાણકારી અને ફરિયાદ અપાઈ હતી. આ ઘટનાની ગંભીરતા સમજીને તાકીદે એન્ટી રેગિંગ કમિટીની બેઠક બોલાવવામાં આવી હતી.

કમિટી દ્વારા દરેક રેસિડેન્ટ ડોક્ટરોને બોલાવીને સ્ટેટમેન્ટ લેવામાં આવ્યા હતા. સમગ્ર તપાસના અંતે કમિટીને ખરેખર રેગિંગ થયું હોવાનું લાગ્યું હતું. જેમાં રેગિંગ થયું હોવાનું પ્રસ્થાપિત થતાં કમિટીએ કસૂરવાર વિદ્યાર્થીઓને કયા પ્રકારની સજા કરવી તેની ભલામણ સાથે અહેવાલ સરકાર-આરોગ્ય વિભાગને મોકલી આપ્યો હતો.

ઓર્થોપેડિક વિભાગમાં બની રેગિંગની ઘટના

અમદાવાદની નામાંકિત બી.જે. મેડિકલ કોલેજમાં રેગિંગનો મામલો સામે આવ્યો છે. જુનિયર વિદ્યાર્થી દ્વારા સિનિયર સામે 8 જૂને ફરિયાદ કરવામાં આવી હતી. જે મામલે એન્ટી રેગિંગ કમિટીને તપાસ સોંપવામાં આવી હતી. તપાસ રિપોર્ટ બાદ ઓર્થોપેડિક વિભાગના ત્રણ વિદ્યાર્થીઓને 6 મહિનાથી 1 વર્ષ માટે સસ્પેન્ડ કરવાની કડક કાર્યવાહી કરવામાં આવી છે.

રેગિંગનો રીપોર્ટ આરોગ્ય વિભાગને સોંપાયો હતો

8 જૂનના રોજ ઓર્થોપેડિક વિભાગના 3 સિનિયર ડોક્ટરો દ્વારા પ્રથમ વર્ષના જુનિયર ડોક્ટરનું રેગિંગ કરવામાં આવ્યું હતું. જે બાદ જુનિયર ડોક્ટર દ્વારા તંત્રને ફરિયાદ કરવામાં આવતા તપાસ કરવામાં આવી હતી. એન્ટી રેગિંગ કમિટીની તપાસ બાદ રિપોર્ટ તૈયાર કરવામાં આવ્યો હતો.

આ પણ વાંચો : Gujarat Rain : 22 કલાકમાં 54 તાલુકામાં મેઘરાજાની પધરામણી, બાલાસિનોરમાં 6 ઇંચ વરસાદ ખાબકયો