Banaskantha થી કચ્છ સુધી પોલીસની નવી રેન્જનું માળખું જાહેર, બનાસકાંઠા રેન્જમાં બનાસકાંઠા, વાવ થરાદ અને પાટણ જિલ્લો રહેશે
Banaskantha : રાજ્ય સરકાર દ્વારા પોલીસ વિભાગમાં નવી રેન્જ બનાવાઈ તેમાં કચ્છ રેન્જમાંથી બનાસકાંઠા જિલ્લાને અપગ્રેડ કરી રેન્જ તરીકે અપગ્રેડ કરવામાં આવ્યો છે.બનાસકાંઠા રેન્જમાં બનાસકાંઠા ઉપરાંત પાટણ અને વાવ-થરાદ જિલ્લાનો સમાવેશ કરવામાં આવ્યો છે.રેન્જ આઈ.જી.તરીકે પરીક્ષિતા રાઠોડને નિમણુક આપવામાં આવી છે.
Banaskantha રેન્જના પ્રથમ આઈજી તરીકે પરીક્ષિતા રાઠોડ
બનાસકાંઠા જિલ્લાના વહીવટી વિભાજન બાદ નવી રચાયેલી બનાસકાંઠા રેન્જના પ્રથમ રેન્જ આઈજી (ઇન્સ્પેક્ટર જનરલ ઓફ પોલીસ) તરીકે પરીક્ષિતા રાઠોડે કાર્યભાર સંભાળી લીધો છે. બનાસકાંઠા જિલ્લાના વિભાજન પછી આ પ્રથમ વખત છે કે બનાસકાંઠા રેન્જ અસ્તિત્વમાં આવી છે અને તેના પ્રથમ રેન્જ આઈજી તરીકે પરીક્ષિતા રાઠોડની નિમણૂક કરવામાં આવી છે. રાજ્ય પોલીસ વિભાગમાં જનસંખ્યાના પ્રમાણમાં મહેકમ વધારવાની સાથે સાથે રેન્જનુ વિભાજન કરવામાં આવ્યુ છે.
સ્થાનિકોને 500 કિ.મી.દૂર સુધી લાંબા અંતરે જવુ પડતુ હતુ
બનાસકાંઠા જિલ્લાને કચ્છ બોર્ડર રેન્જમાંથી અલગ કરીને બનાસકાંઠા નવી રેન્જ જાહેર કરવામાં આવી છે. આમ હવે કચ્છ રેન્જથી બનાસકાંઠા રેન્જ અલગ થવાથી પોલીસ કર્મીઓને મોટી રાહત મળશે. બનાસકાંઠાના છેવાડાના પોલીસ મથકથી કચ્છ ભુજનો રસ્તો 500 કિ.મી.ઉપરાંતનો થતો હોઈ કચેરીના કામ અર્થે જવા માટે ખુબ જ હાલાકી થતી હતી. અને સમયની સાથે આર્થિક પણ ભારણ વધતુ હતુ. આથી હવે બનાસકાંઠા નવી રેન્જ બનવાથી પાલનપુર ખાતે રેન્જનુ હેડક્વાર્ટ્સ બનવાથી પાટણ અને થરાદ બંને જિલ્લાના લોકોને અનુકુળ રહેશે.
આ પણ વાંચો : Operation Delta Hunt : રાજયભરમાંથી 501 ગેરકાયદેસર બાંગ્લાદેશીઓ ઝડપાયા, મોટાભાગની મહિલાઓ કરતી હતી સ્પામાં કામ