Bhavnagar : મધરાતે ગમખ્વાર અકસ્માતમાં કાકા-ભત્રીજાનું મોત, પરિવારમાં આક્રંદ છવાયો

Bhavnagar ના રીંગ રોડ નજીક બની અકસ્માતની ઘટના

રીંગ રોડ પર કારનો ચાલક કાર લઈને જતો હતો તે દરમિયાન તેણે સ્ટેયરીંગ પરથી કાબુ ગુમાવ્યો હતો અને તેના કારણે રોડ પર બાઈક લઈને જતા કાકા-ભત્રીજાને અડફેટે લીધા હતા અને તેમનું મોત થયું છે, અકસ્માત બાદ ટ્રકમાં ઘુસી ગઈ હતી અને લોકો રોડ પર દોડી આવ્યા હતા. અકવાડાના રાકેશ મનસુખભાઈ બારૈયા અને બેચરભાઈ ખાટાભાઈ બારૈયાનું મોત થયું છે. પોલીસે મૃતદેહને પીએમ માટે ખસેડયા છે અને પીએમ થયા બાદ મૃતદેહ પરિજનોને સોંપવામાં આવશે.

કારમાં સવાર લોકોને પણ ઈજા પહોંચી

તો કારમાં જે લોકો સવાર હતા તેમને પણ ઈજા પહોંચી હતી અને તેમને સારવાર હેઠળ ખસેડવામાં આવ્યા છે. એક જ પરિવારના બે સભ્યોના કરુણ મોતથી પરિવારમાં ભારે આક્રંદ અને શોકનું મોજું ફરી વળ્યું છે. આ અકસ્માત એટલો ભયાનક હતો કે કારની ઠોકર વાગતા જ બાઇક રસ્તા પર અંદાજે 100 મીટર જેટલું દૂર સુધી ફંગોળાઈ ગયું હતું. બાઇકને અડફેટે લીધા બાદ કારચાલક પોતાના વાહન પર કાબૂ મેળવી શક્યો ન હતો.

આ પણ વાંચો : પોલીસની પંચાત : ગુજરાત પોલીસ એટલે ખાખીમાં ધબકતું હૃદય, નિકોલ પોલીસના નાક નીચે PCB દરોડા પાડી ગઈ