Bhavnagar : ગુજરાતમાં વરસાદી માહોલ જામી ગયો છે. ત્યારે મહુવાનો માલણ ડેમ ઓવરફલો થવાની ઘટના બની છે અને માલણ ડેમ ઓવરફલો થતા ખેડૂતોમાં પણ ખુશીનો માહોલ છે. ત્યારે 90 ટકા જેટલો ડેમ ભરાઈ જતા સ્થાનિકો પણ ડેમનો નજારો માણવા પહોંચ્યા હતા.
Bhavnagar : મહુવાનો માલણ ડેમ ઓવરફ્લો થતા દસ ગામના સ્થાનિકોને એલર્ટ કરાયા છે. મહુવાના જીવવા દોરી સમાન કહેવાતા ત્રણ ડેમમાંથી માલણ ડેમ ઓવરફ્લો થયો છે અને નીચાણ વાળા વિસ્તારોના ગામોને એલર્ટ કરાયા છે. મોટાખુટવડા, ગોરસ, સાંગાણીયા, કુંભણ, નાનાજાદરા, લખુપરા, ઉમણીયાવદર, તાવેડા, મહુવા, કતપર સહીતના ગામોને એલર્ટ કરાયા છે.
માલણ ડેમ છલકાતા તંત્ર એલર્ટ મોડ પર
સુરક્ષાના ભાગરૂપે વહીવટી તંત્ર દ્વારા સતર્કતા દાખવવામાં આવી રહી છે. ડેમમાંથી પાણી છોડવાની સંભાવના અને વધતા જળસ્તરને ધ્યાનમાં રાખીને નીચાણવાળા વિસ્તારોમાં વસતા લોકોને નદીના પટમાં ન જવા અને સુરક્ષિત રહેવા સૂચના આપવામાં આવી છે.
આ ગામોના સરપંચો અને સ્થાનિક વહીવટી અધિકારીઓને પણ સતત સંપર્કમાં રહેવા અને પરિસ્થિતિ પર નજર રાખવા માટે જણાવાયું છે. ડેમની સપાટીમાં સતત વધારો થતા પૂર જેવી સ્થિતિ ન સર્જાય તે માટે તંત્ર સંપૂર્ણપણે સજ્જ છે. સ્થાનિક પોલીસ અને ડિઝાસ્ટર મેનેજમેન્ટની ટીમોને પણ જરૂર પડે તો મદદ કરવા માટે તૈયાર રહેવા સૂચના આપવામાં આવી છે.
જેસરના રાણીગામ ગારીયાધાર રોડ થયો બંધ
ભાવનગરનાગારીયાધાર શોર્ટ માર્ગ થયો બંધ અને ઉપરવાસમાંથી ભારે વરસાદથી શેત્રુંજી નદીમાં પુર આવતા રસ્તો બંધ થયો છે. રસ્તો બંધ થતાં લોકો અટવાયા છે અને ફરીને જવાનો વારો આવ્યો છે. તંત્ર દ્વારા પણ લોકોને અવરજવર ન કરવા સૂચના આપવામાં આવી છે. આ રોડ પર વન્ય પ્રાણીઓ પણ વસવાટ કરે છે ત્યારે વન વિભાગ પણ એલર્ટ મોડમાં છે.
આ પણ વાંચો : Surat : પાંડેસરામાં યુવતીની છેડતી કરનાર ત્રણ નરાધમો જેલના સળિયા પાછળ, મહિલાઓની સુરક્ષા સાથે કોઈ બાંધછોડ નહી ચાલે
