Bhavnagar : ખનીજ માફિયાઓ પર તંત્રની મોટી તવાઈ, ઘોઘાના લાખણકા ગામે અડધી રાત્રે દરોડા પાડી લાખોનો મુદ્દામાલ જપ્ત કરાયો

જપ્ત કરાયેલા તમામ વાહનોને સુરક્ષિત સ્થળે ખસેડવામાં આવ્યા

આ માફિયાઓ કોઈપણ પ્રકારની સરકારી મંજૂરી કે રોયલ્ટી ભર્યા વિના, અંધારાનો લાભ લઈને અડધી રાત્રે મોટા પાયે રેતીનું ખનન (જમીન ખોદકામ) કરી રહ્યા હતા.

ગૌચરની જમીનનું નિકંદન કાઢીને આ માફિયાઓ દરરોજ લાખો રૂપિયાની કિંમતી રેતી ચોરી કરીને બજારમાં ઊંચા ભાવે વેચી રહ્યા હોવાનું પણ સામે આવ્યું હતું. આ ગંભીર ફરિયાદ અને બાતમીના આધારે ખનીજ વિભાગના ઉચ્ચ અધિકારીઓની આગેવાનીમાં એક વિશેષ ટીમ તૈયાર કરવામાં આવી હતી.

ટ્રેક્ટર સહિત લાખો રૂપિયાની કિંમતનો મુદ્દામાલ ઝડપી પાડ્યો

આ ટીમે મોડી રાત્રે જ્યારે લાખણકા ગામની સીમમાં ગેરકાયદેસર ઉત્ખનન ચાલી રહ્યું હતું ત્યારે જ અચાનક દરોડા પાડ્યા હતા. ખનીજ વિભાગની ગાડીઓ જોઈને ઘટનાસ્થળે હાજર મજૂરો અને માફિયાઓમાં નાસભાગ મચી ગઈ હતી. જો કે, તંત્રએ સ્થળ પરથી ગેરકાયદેસર રેતી ખનન માટે ઉપયોગમાં લેવાતા હિટાચી મશીન, જેસીબી, ડમ્પર અને ટ્રેક્ટર સહિત લાખો રૂપિયાની કિંમતનો મુદ્દામાલ ઝડપી પાડ્યો છે.

આ પણ વાંચો : Vadodara ગ્રામ્ય LCB એ ગોરજ નજીકથી ઝડપ્યું વિદેશી દારૂનું કન્ટેનર, રૂ.1.78 કરોડનો મુદ્દામાલ જપ્ત