Bhavnagar: સ્પાની આડમાં દેહ વ્યાપારનો કારોબાર, કાળી કમાણીમાંથી ખરીદાયેલી 80 લાખની મિલકત જપ્ત

ઐતિહાસિક કાર્યવાહી

રૂ. 80 લાખની મિલકત થશે જપ્ત ભાવનગર એસપી (SP) નિતેશ પાંડે અને એએસપી (ASP) ઘનશ્યામ ગૌતમના માર્ગદર્શન હેઠળ પોલીસે દેહ વ્યાપારના નેટવર્કને તોડી પાડવા માટે 'ઝીરો ટોલરન્સ'ની નીતિ અપનાવી છે. આ કાર્યવાહી અંતર્ગત, દેહ વ્યાપારના કાળા કારોબારમાંથી મેળવેલા નાણાંથી ખરીદવામાં આવેલી અંદાજે રૂ. 80 લાખની મિલકતને જપ્ત કરવામાં આવશે. રાજ્યમાં આ પ્રકારની પ્રથમ કાર્યવાહી છે, જેમાં ગુનાખોરી દ્વારા મેળવેલી પ્રોપર્ટી પર તંત્રએ સીધો પ્રહાર કર્યો છે.ગુજરાતમાં પ્રથમ વખત BNSS ની કલમ-107 હેઠળ માનવ તસ્કરીના રેકેટની રૂ.80 લાખની મિલકત  ભાવનગર પોલીસે જપ્ત કરી છે.

Bhavnagar: વારંવારના ગુના બાદ પોલીસનું એક્શન

મહિલા શબાના થીમ વર્ષ 2016 અને2025માં પણ આવા જ પ્રકારના ગુનાઓમાં સંડોવાયેલી હતી. વારંવાર કાયદાનો ભંગ કરવા છતાં જ્યારે તે સુધરી નહીં, ત્યારે પોલીસે માનવ તસ્કરી (Human Trafficking) અને દેહ વ્યાપારના મૂળિયાં ઉખેડવા માટે આ કડક પગલું ભર્યું છે. એસપી નિતેશ પાંડેએ સ્પષ્ટ સંદેશ આપ્યો છે કે હવે માત્ર ગુનેગારોની ધરપકડ નહીં, પરંતુ તેમના કાળા ધંધાના સામ્રાજ્યને પણ નષ્ટ કરવામાં આવશે. આ કાર્યવાહી અન્ય જિલ્લાઓ માટે પણ એક દાખલો બેસાડશે.

આ પણ વાંચો: Fair Price Shop: CM નો મહત્વનો નિર્ણય, વાજબી ભાવની દૂકાનના સંચાલકોનું કમિશન વધારાયું