Bhavnagar Rain : મહુવામાં મોડી રાત્રે બે ઇંચ વરસાદ વધુ પડતા સવારે 6 વાગ્યા સુધીનો 6 ઇંચ વરસાદ નોંધાયો હતો. જનતા પ્લોટ, વાસી તળાવ, ગાંધીબાગ વિસ્તારોમાં કેડસમા પાણી ભરાતા સ્થાનિકો હેરાન થઈ ગયા હતા અને જનતા પ્લોટમાં લોકોના ઘરોમાં ઘૂસ્યા હતા પાણી. પાણીના નિકાલ માટે વિસ્તારના લોકો દ્વારા વારંવાર રજૂઆત કરવા છતાંય તંત્ર મૂંગું બેરુ બન્યું હતુ.
Bhavnagar Rain : રાજ્યમાં 2 કલાકમાં 49 તાલુકામાં વરસાદ નોંધાયો છે. અમરેલીમાં 2 કલાકમાં 2 ઇંચ, ભાવનગરના મહુવામાં દોઢ ઇંચ, ગોંડલ, કુંકાવાવમાં 2 કલાકમાં 1 ઇંચ, અન્ય તાલુકામાં અડધા ઇંચથી સામાન્ય વરસાદ નોંધાયો છે. સવારે 6 થી 8 વાગ્યા સુધીમાં નોંધાયો વરસાદ.
મહુવા પાલિકા સામે સ્થાનિકોનો આક્રોશ
શહેરના જનતા પ્લોટ, વાસી તળાવ અને ગાંધીબાગ જેવા વિસ્તારોમાં તો પરિસ્થિતિ વધુ ગંભીર બની છે. અહીં રસ્તાઓ પર કેડસમા પાણી ભરાઈ ગયા છે, જેના કારણે વાહનવ્યવહાર ઠપ થઈ ગયો છે. આ વિસ્તારના રહેવાસીઓ માટે તો આફતનું પ્રમાણ વધી ગયું છે, કારણ કે પાણી તેમના ઘરોમાં ઘૂસી ગયા છે.
ઘરવખરી અને કિંમતી સામાન પાણીમાં ગરકાવ થઈ જતાં લોકોની હાલત કફોડી થઈ છે. મહુવા નગરપાલિકાની કામગીરી સામે સ્થાનિકોમાં ભારે આક્રોશ જોવા મળી રહ્યો છે. લોકોનું કહેવું છે કે વરસાદી પાણીના નિકાલ માટેની વ્યવસ્થા સુધારવા અંગે અનેકવાર પાલિકામાં લેખિત અને મૌખિક રજૂઆતો કરવામાં આવી છે.
ઉના-ભાવનગર નેશનલ હાઈવે પર પૂર, હોટેલોમાં માલણ નદીના પાણી ઘૂસ્યા
ઉના પંથકમાં આભ ફાટતાં વાહનવ્યવહાર પર બ્રેક વાગી ગઈ હતી. ઉના-ભાવનગર નેશનલ હાઈવે પર ગાંગડા ગામ નજીક પૂરના પાણી ફરી વળતાં વાહનોની લાંબી લાઈનો લાગી હતી. હાઈવે પર આવેલી તુલસી હોટેલ અને ભગીરથ હોટેલ પરિસરમાં માલણ નદીના પૂરના પાણી ધસમસતા પ્રવાહ સાથે ઘૂસી ગયા હતાં.
આ પણ વાંચો : Amreli Rain : સાવરકુંડલાના કોઝવે પર ધસમસતા પૂરમાં ફસાયેલી કારમાંથી 7 લોકોનું દિલધડક રેસ્ક્યૂ
