માહિતી મળતાની સાથે જ ફાયર બ્રિગેડ અને બચાવ દળની ટીમ ઘટનાસ્થળે પહોંચી ગઈ હતી. આશરે એક કલાકની ભારે જહેમત બાદ આગ પર કાબૂ મેળવી લેવાયો હતો. સુરક્ષાના પગલાં રૂપે આસપાસના વિસ્તારને પણ ખાલી કરાવવામાં આવ્યો હતો. હાલમાં એ સ્પષ્ટ થઈ શક્યું નથી કે હવામાં બંને હેલિકોપ્ટરની ટક્કર કેવી રીતે થઈ.
એક હેલિકોપ્ટર એક કાર શોરૂમમાં અથડાયું હતું
ગઈકાલે સવારે બ્રાઝિલના રિયો ડી જાનેરોના પશ્ચિમી વિસ્તારમાં બે હેલિકોપ્ટર અથડાયા હતા, જેમાં ગાયક ઓલિવર ટ્રી સહિત તમામ છ લોકોના મોત થયા છે. રિયો ડી જાનેરો લશ્કરી ફાયર વિભાગના જણાવ્યા અનુસાર, એક હેલિકોપ્ટર એક કાર શોરૂમમાં અથડાયું હતું જ્યાં ઘણા ઇલેક્ટ્રિક વાહનો પાર્ક કરેલા હતા, જેના કારણે આગ લાગી હતી જેને બાદમાં બુઝાવી દેવામાં આવી હતી. અધિકારીઓએ જણાવ્યું હતું કે ટક્કરનું કારણ નક્કી કરવા માટે તપાસ શરૂ કરવામાં આવી છે.
બે હેલિકોપ્ટર અથડાયા
અધિકારીઓએ જણાવ્યું હતું કે હેલિકોપ્ટર એરબસ H125 અને બેલ 206B જેટ રેન્જર હતા. સ્થાનિક મીડિયા અહેવાલો અનુસાર વાત કરીએ તો, આ અકસ્માત સવારે 8:59 વાગ્યે થયો હતો. ફાયર બ્રિગેડે જણાવ્યું હતું કે હેલિકોપ્ટર ક્રેશ થયા પછી ભીષણ આગ ફાટી નીકળી હતી, જેમાં ઓછામાં ઓછા 20 વાહનો ઝપેટમાં આવી ગયા હતા.
જાણો કોણ છે ઓલિવર ટ્રી કોણ છે?
ટ્રીને પહેલી વાર 2010 માં ઓળખ મળી, જ્યારે તે માત્ર 17 વર્ષનો હતો, તેણે સ્ક્રિલેક્સ અને ઝેડ્સ ડેડ સાથે "ટ્રી" નામથી કામ કર્યું. તેણે 2013 માં એક સ્વતંત્ર આલ્બમ બહાર પાડ્યું, ત્યારબાદ તેણે સંગીત ટેકનોલોજીનો અભ્યાસ કરવા માટે ઈન્ડ્રસ્ટ્રી માંથી વિરામ લીધો.
આ પણ વાંચો : Iran-America વચ્ચે યુદ્ધ ખતમ થશે, ટ્રમ્પે કહ્યું, દુનિયાના જહાજો એન્જિન ચાલુ કરો
