વર્ષ 2025 દરમિયાન જિલ્લામાં કુલ 36 NDPS કેસ નોંધાયા હતા. વર્ષ 2025માં વિવિધ કેસોમાં 73 આરોપીઓને ઝડપી પાડવામાં આવ્યા હતા. અને જિલ્લામાં નશીલા પદાર્થોની હેરાફેરી અને વેચાણ સામે પોલીસ સક્રિય બની છે.
પૂર્વ કચ્છ પોલીસનું ડ્રગ્સ મુક્ત સમાજ માટેનું અભિયાન વધુ તેજ બન્યું
વિવિધ પોલીસ સ્ટેશન અને શાખાઓ દ્વારા સતત દરોડા અને તપાસ હાથ ધરાઈ રહી છે અને એનડીપીએસના કેસ કરવામાં આવી રહ્યાં છે. પૂર્વ કચ્છ પોલીસવડા સાગર બાગમાર દ્વારા જનતાને નશીલા પદાર્થો અંગે સતર્ક રહેવા અપીલ કરવામાં આવી રહી છે. નશીલા પદાર્થોની ગેરકાયદેસર પ્રવૃત્તિ અંગે પોલીસને જાણ કરવા અનુરોધ કરાયો છે. જે પણ શખ્સ ખાનગીમાં નશીલા પદાર્થનું વેચાણ કરતો હોય તેવા શખ્સની બાતમી પોલીસને આપો અને નામ ગુપ્ત રહેશે તેવો મેસેજ પણ પોલીસ દ્રારા આપવામાં આવ્યો છે.
યુવાધનને ડ્રગ્સના દૂષણથી બચાવવા પોલીસની કડક કામગીરી
વર્ષ 2026 ના પ્રથમ અર્ધવાર્ષિક ગાળામાં પોલીસે કુલ 43 NDPS (Narcotic Drugs and Psychotropic Substances Act) કેસો શોધી કાઢ્યા છે. આ દરમિયાન સઘન તપાસના પરિણામે કુલ 72 આરોપીઓને ઝડપી પાડી જેલના સળિયા પાછળ ધકેલી દેવામાં આવ્યા છે. પૂર્વ કચ્છ પોલીસનું આ અભિયાન આવનારા સમયમાં વધુ તેજ બનશે, જેથી કરીને નશાખોરીના દૂષણને સંપૂર્ણપણે નાબૂદ કરી એક સુરક્ષિત અને સ્વસ્થ સમાજનું નિર્માણ કરી શકાય.
આ પણ વાંચો : Headline 03 PM : વાંચો બપોરના 12 થી બપોરના 3 વાગ્યા સુધીના મહત્વના સમાચાર એક કિલક પર
