Gandhinagar: સાયબર સેન્ટર ઓફ એક્સલન્સની મોટી કાર્યવાહી, 600 કરોડના કૌભાંડનો પર્દાફાશ

• Gandhinagar: 600 કરોડનું સાયબર કૌભાંડ પકડાયું, 13 આરોપીઓની ધરપકડ!
• સાયબર સેન્ટર ઓફ એક્સલન્સની મોટી કાર્યવાહી, મ્યુલ હંટ હેઠળ 4 ગુના દાખલ
• અમદાવાદ, સુરત, વડોદરાથી 13 આરોપી ઝડપાયા, વિવિધ રાજ્યોમાં 200 ગુનાઓ નોંધાયેલ
• કસ્ટમર પાસેથી OTP મેળવી બેંક પાસવર્ડ બદલી 600 કરોડથી વધુની છેતરપિંડી
• શિપિંગના નામે પેઢી ખોલીને થતી હતી લાખોની લેવડ-દેવડ, 982 ગુના ડિટેક્ટ
• માસ્ટરમાઈન્ડ વિમલ જાડા માત્ર 8 પાસ હોવા છતાં ટેકનોલોજીનો જાણકાર

ગાંધીનગર (Gandhinagar) સ્થિત સાયબર સેન્ટર ઓફ એક્સલન્સ (Cyber Centre of Excellence) દ્વારા સાયબર ગુનેગારો વિરુદ્ધ એક અત્યંત મહત્વની અને મોટી કાર્યવાહી કરવામાં આવી છે. 'મ્યુલ હંટ' (Mule Hunt) અભિયાન હેઠળ પોલીસે અમદાવાદ, સુરત અને વડોદરામાંથી કુલ 13 આરોપીઓની ધરપકડ કરી છે. આ ગેંગનું નેટવર્ક એટલું વ્યાપક હતું કે તેમની સામે વિવિધ રાજ્યોમાં કુલ 200 થી વધુ ગુનાઓ પહેલેથી જ દાખલ થયેલા છે. પ્રાથમિક તપાસમાં આ કૌભાંડનું કદ 600 કરોડ રૂપિયાથી પણ વધુ હોવાનું સામે આવતા પોલીસ પણ ચોંકી ઉઠી છે.

Gandhinagar:  આધુનિક રીતે છેતરપિંડી આચરતા

તપાસ દરમિયાન જાણવા મળ્યું છે કે આ આરોપીઓ ખૂબ જ આધુનિક રીતે છેતરપિંડી આચરતા હતા. તેઓ કસ્ટમર્સ પાસેથી ઓટીપી (OTP) મેળવીને તેમના બેંકિંગ પાસવર્ડ (Banking Password) બદલી નાખતા હતા અને ત્યારબાદ ખાતામાંથી પૈસા ટ્રાન્સફર કરી દેતા હતા. વધુમાં, અમદાવાદ અને સુરતની આ ગેંગે શિપિંગના નામે બોગસ પેઢીઓ (Fake Firms) ખોલી હતી અને આ પેઢીઓના બેંક ખાતાઓનો ઉપયોગ કરીને કરોડો રૂપિયાની હેરાફેરી કરવામાં આવતી હતી.

કૌભાંડનો મુખ્ય સૂત્રધાર વિમલ જાડા

આ કૌભાંડનો મુખ્ય સૂત્રધાર વિમલ જાડા (Vimal Jada) હોવાનું બહાર આવ્યું છે. આશ્ચર્યજનક બાબત એ છે કે, આટલું મોટું સાયબર નેટવર્ક ચલાવનાર વિમલ જાડા માત્ર 8 પાસ હોવા છતાં ટેકનોલોજીનું ઊંડું જ્ઞાન ધરાવે છે. આ ઓપરેશન દરમિયાન પોલીસે કુલ 982 સાયબર ફ્રોડના ગુનાઓ ડિટેક્ટ (Detect) કર્યા છે, જે ગુજરાત પોલીસની સાયબર વિંગની એક મોટી સફળતા માનવામાં આવે છે.

આ પણ વાંચો: Navsari: જલાલપોરના તોડી ગામે વીજ કરંટથી આધેડ અને પશુઓના મોત, બેદરકારી સામે ભારે રોષ