Gold Silver Price Today : આંતરરાષ્ટ્રીય બજારની અશાંતિ વચ્ચે કિંમતી ધાતુઓમાં તેજી, સોનું અને ચાંદી રેકોર્ડ સ્તરે પહોંચ્યા

આંતરરાષ્ટ્રીય બજાર કોમેક્સ પર સોનાની કિંમતમાં 0.25 ટકાનો વધારો થઈને ભાવ 4,117.30 ડૉલર પ્રતિ ઔંસ પર પહોંચી ગયો છે. જ્યારે ચાંદીના ભાવોમાં વધુ ઝડપી તેજી જોવા મળી રહી છે, જ્યાં ચાંદી 0.90 ટકા ઉછળીને 58.305 ડૉલર પ્રતિ ઔંસના સ્તરે ટ્રેડ થઈ રહી છે.

કિંમતી ધાતુઓમાં તેજી

વૈશ્વિક બજારોના આ સકારાત્મક સંકેતોને પગલે ભારતીય વાયદા બજાર એમસીએક્સ (MCX) પર પણ સોના અને ચાંદીના ભાવ ઊંચા સ્તરે ખુલ્યા હતા. સ્થાનિક બજારમાં MCX પર સોનું રૂ. 181 ના વધારા સાથે રૂ. 1,43,557 પ્રતિ 10 ગ્રામના સ્તરે ટ્રેડ થતું જોવા મળ્યું હતું. આ સાથે જ ચાંદીના ભાવમાં પણ મોટો ઉછાળો આવ્યો છે અને તે રૂ. 863 વધીને રૂ. 2,18,061 પ્રતિ કિલોગ્રામ પર પહોંચી ગઈ હતી.

સોનું અને ચાંદી રેકોર્ડ સ્તરે પહોંચ્યા

ભારતીય બજારમાં જુદી જુદી કેટેગરીના સોનાના ભાવની વાત કરીએ તો, 24 કેરેટ સોનું 10 ગ્રામ દીઠ રૂ. 1,43,557 ની આસપાસ, 22 કેરેટ સોનું રૂ. 1,31,679 ની આસપાસ અને 18 કેરેટ સોનું પ્રતિ ગ્રામ રૂ. 1,07,738 ની આસપાસ ટ્રેન્ડ કરી રહ્યું છે. જ્યારે ચાંદીનો પ્રતિ કિલોગ્રામ ભાવ રૂ. 2,18,710 ની આસપાસ બોલાઈ રહ્યો છે. નિષ્ણાતોના મતે વૈશ્વિક અનિશ્ચિતતા અને રાજકીય તણાવને કારણે રોકાણકારો સોના અને ચાંદી તરફ સુરક્ષિત રોકાણ માટે આકર્ષાઈ રહ્યા છે, જેના કારણે આગામી દિવસોમાં પણ બજારમાં આ તેજીનું વલણ જળવાઈ રહેવાની સંભાવના છે. ઊંચા ભાવોને કારણે સામાન્ય ખરીદદારોએ સોના-ચાંદીની ખરીદી માટે વધુ ખર્ચ કરવો પડી રહ્યો છે.

આ પણ વાંચો : Today Share Market : શેરબજારમાં તેજી, સેન્સેક્સ 788 પોઈન્ટ ઉછળીને ખુલ્યો, વૈશ્વિક બજારોમાંથી પણ મળ્યા સકારાત્મક સંકેતો