આરોપીઓની અટકાયત બાદ જ્યારે તેમની સઘન પૂછપરછ કરવામાં આવી રહી છે, ત્યારે અનેક ચોંકાવનારા ખુલાસાઓ થઈ શકે છે. રિમાન્ડ દરમિયાન તેમણે આતંકી સંગઠનના નેટવર્ક, તેમની કાર્યપદ્ધતિ અને આગામી સમયમાં થનારા સંભવિત ખતરાઓ વિશે મહત્વની વિગતો ઓકી છે.
ગુજરાતની સુરક્ષા વધુ મજબૂત
તપાસ દરમિયાન ATS દ્વારા મોટી માત્રામાં સાહિત્ય, ડિજિટલ ઉપકરણો અને અન્ય શંકાસ્પદ સામગ્રી પણ જપ્ત કરવામાં આવી છે. આ જપ્તી બાદ ATS ની ટીમે આ સમગ્ર નેટવર્કનો મૂળ સુધી જઈને તપાસ શરૂ કરી છે.
ગુજરાત ATS ની આ સફળ કામગીરીને કારણે એક મોટું જોખમ ટળી ગયું છે. આ આતંકીઓ ગુજરાતમાં કોઈ મોટી ઘટનાને અંજામ આપવાની ફિરાકમાં હતા, પરંતુ રાજ્ય પોલીસ અને ATS ની સમયસૂચકતાને કારણે તેઓ એજન્સીઓની ઝપટમાં આવી ગયા.
આતંકીઓની નાપાક યોજના પર પાણી
ગુજરાત સરકારે હંમેશા રાજ્યની સુરક્ષાને પ્રાથમિકતા આપી છે, અને ATS ની આ કાર્યવાહી તે સુરક્ષા કવચને વધુ મજબૂત બનાવે છે. હાલમાં આ પાંચેય આરોપીઓની વિવિધ એજન્સીઓ દ્વારા સંયુક્ત પૂછપરછ કરવામાં આવી રહી છે.
આ ઓપરેશનથી અન્ય આતંકી મોડ્યુલ અને તેમના સ્થાનિક મદદગારોમાં પણ ફફડાટ વ્યાપી ગયો છે. ગુજરાત એટીએસની આ ટીમે સાબિત કરી દીધું છે કે દેશવિરોધી પ્રવૃત્તિઓ કરનાર કોઈપણ વ્યક્તિ રાજ્યના કાયદાના લાંબા હાથથી બચી શકશે નહીં.
કોર્ટે 7 દિવસના રિમાન્ડ મંજૂર કર્યા
ગુજરાત એટીએસ દ્વારા ઝડપાયેલા આતંકી મોડ્યુલ કેસમાં કડી કોર્ટમાં સુનાવણી હાથ ધરાઈ હતી. જેમાં એટીએસ દ્વારા પાંચ શખ્સોના 10 દિવસના રિમાન્ડની માંગણી કરવામાં આવી હતી, જેની સામે કોર્ટે 7 દિવસના રિમાન્ડ મંજૂર કર્યા છે. એટીએસની તપાસમાં અનેક મોટા ખુલાસાઓ થયા છે. કુલ 8 પૈકીના ૨ શખ્સોએ જમ્મુ કાશ્મીરમાં જઈને એકે-47 અને પિસ્તોલ જેવા હથિયારો ચલાવવાની ટ્રેનિંગ લીધી હોવાનું સામે આવ્યું છે
આ પણ વાંચો : Dhandhuka હોસ્પિટલના પૂર્વ ટ્રસ્ટી ધરમશી પટેલની હત્યાનો કેસ, આરોપી કલ્પેશ મેરને કોર્ટે સંભળાવી આજીવન કેદની સજા
