Rathyatra Cleanliness: સોલિડ વેસ્ટ મેનેજમેંટ વિભાગનું ખાસ આયોજન, 1 હજાર કર્મચારીઓ સફાઇની કામગીરીમાં લાગ્યા હતા

સફાઈનું આગોતરું આયોજન અને 1000 કર્મચારીઓની ફોજ

રથયાત્રા પૂર્વે જ સોલિડ વેસ્ટ મેનેજમેન્ટ વિભાગ દ્વારા સઘન આયોજન કરવામાં આવ્યું હતું. રથયાત્રાના સમગ્ર રૂટને 4 ઝોનમાં વિભાજિત કરી 7 ઝોનના અધિકારીઓ અને ૪૦થી વધુ અધિકારીઓની દેખરેખ હેઠળ 1000થી વધુ સફાઈ કર્મચારીઓને કામે લગાડવામાં આવ્યા હતા. સફાઈ માટે 25 ડોર-ટુ-ડોર વાહનો, 8 ઈ-રિક્ષા, 6 કોમ્પેક્ટર, 8 બંધ બોડીના વેસ્ટ કલેક્શન વાહનો અને ૪ સ્વીપર મશીનો તૈનાત કરવામાં આવ્યા હતા.

Ahmedabad: સેવાભાવી સંસ્થાઓ અને સ્વચ્છતાનો સંદેશ

આ અભિયાનમાં વિવિધ NGO અને સામાજિક સંસ્થાઓએ પણ નોંધપાત્ર યોગદાન આપ્યું હતું. રથયાત્રાના કાફલામાં સ્વચ્છતાનો સંદેશ આપતા ટેબ્લો અને મેસ્કોટ લોકો માટે આકર્ષણનું કેન્દ્ર બન્યા હતા, જેના કારણે લોકોને પ્લાસ્ટિકનો ઉપયોગ ટાળવા અને કચરો કચરાપેટીમાં જ નાખવા માટે પ્રોત્સાહિત કરવામાં આવ્યા હતા. રથયાત્રા પૂર્ણ થયા બાદ સરસપુરની ભોજનશાળા સહિતના સ્થળોએ જંતુનાશક દવાઓનો છંટકાવ કરી સંપૂર્ણ સફાઈ કરવામાં આવી હતી. જમા થયેલા કચરામાંથી પ્લાસ્ટિક અને અન્ય વસ્તુઓને અલગ કરી રિસાયકલિંગ માટે મોકલવામાં આવશે.

આ પણ વાંચો: Ahmedabad Rathyatra: 149મી રથયાત્રા શાંતિપૂર્ણ માહોલમાં સંપન્ન, જગતના નાથ ભગવાન જગન્નાથ નિજ મંદિરે પરત