Ahmedabad Rathyatra: 149મી રથયાત્રા શાંતિપૂર્ણ માહોલમાં સંપન્ન, જગતના નાથ ભગવાન જગન્નાથ નિજ મંદિરે પરત

નગરચર્યા અને ભક્તિનો સંગમ

રથયાત્રા દરમિયાન ભગવાન જગન્નાથજી, બહેન સુભદ્રા અને ભાઈ બલરામજીએ શહેરના પરંપરાગત રૂટ પર ભ્રમણ કર્યું હતું. લાખોની સંખ્યામાં ઉમટેલા ભક્તોએ રથના દર્શન કરી ધન્યતા અનુભવી હતી. આ વર્ષની રથયાત્રાની સૌથી મોટી વિશેષતા એ રહી કે આટલી મોટી ભીડ હોવા છતાં સમગ્ર યાત્રા અત્યંત શિસ્તબદ્ધ અને શાંતિપૂર્ણ રીતે પૂર્ણ થઈ. ભગવાન આજે રાત્રે મંદિર પરિસરમાં જ વિશ્રામ કરશે અને ભક્તોને આશીર્વાદ આપશે.

Ahmedabad Rathyatra: ઐતિહાસિક સફળતા

રથયાત્રા નિજ મંદિરે પહોંચતા જ મંદિર પરિસરમાં ભક્તિનો માહોલ છવાઈ ગયો હતો. રથયાત્રાના સફળ આયોજન બદલ પોલીસ તંત્ર, વહીવટી તંત્ર અને તમામ શ્રદ્ધાળુઓનો આભાર માનવામાં આવ્યો છે. ભક્તોના હૈયે હૈયું દળાય તેવી ભીડ હોવા છતાં કોઈ પણ અનિચ્છનીય બનાવ વગર ૧૪૯મી રથયાત્રા પૂર્ણ થતા શહેરીજનોમાં અનેરો આનંદ જોવા મળ્યો હતો.

આ પણ વાંચો:Drugs Racket: વાવ-થરાદમાં દવાના રેકેટનો પર્દાફાશ, 6.89 કરોડના મુદ્દામાલ સાથે બે ઝડપાયા