Kutch: અંજારમાં ડુપ્લીકેટ વિદેશી દારૂ બનાવતી ફેક્ટરીનો પર્દાફાશ, લાખોનો મુદ્દામાલ જપ્ત

બાતમીના આધારે એલસીબીના દરોડા

બાતમીના આધારે એલસીબીની ટીમે સતાપર ગામે આવેલા એક ગોડાઉનમાં તપાસ કરતા ત્યાં વિદેશી દારૂ બનાવવાનો ગેરકાયદે પ્લાન્ટ ચાલતો હોવાનું સામે આવ્યું હતું. આરોપીઓ દ્વારા સસ્તા કેમિકલ અને ફ્લેવરનો ઉપયોગ કરીને જાણીતી બ્રાન્ડના ડુપ્લીકેટ દારૂ બનાવવામાં આવતો હતો. પોલીસે સ્થળ પરથી દારૂ ભરવાના મશીનો, સીલિંગ મશીન, કેમિકલ અને ડુપ્લીકેટ લેબલવાળી હજારો બોટલો જપ્ત કરી છે.

Kutch: આરોપીઓની ધરપકડ અને તપાસ

આ કેસમાં મુખ્ય બે આરોપીઓ સુનિલ શામજી માતા અને રમજાન જુણેજાની ધરપકડ કરવામાં આવી છે. પોલીસની પ્રાથમિક પૂછપરછમાં જાણવા મળ્યું છે કે આ નેટવર્કમાં વધુ બે લોકો સંડોવાયેલા છે, જેમાં કિશોર વ્યાસ અને રાજેશ પ્રજાપતિ હાલ ફરાર છે. તેમને પકડવા માટે પોલીસે અલગ-અલગ ટીમો બનાવી શોધખોળ શરૂ કરી છે.

પોલીસ કાર્યવાહી

પૂર્વ કચ્છ એલસીબીની આ સફળ કામગીરી બાદ અંજાર પોલીસ મથકે તમામ આરોપીઓ વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી છે. આ ફેક્ટરીમાં બનતો દારૂ ક્યાં સપ્લાય કરવામાં આવતો હતો અને તેની સાથે અન્ય કેટલા લોકો જોડાયેલા છે, તે દિશામાં પોલીસે તપાસ તેજ કરી છે.

આ પણ વાંચો: Ahmedabad: સેશન્સ કોર્ટનો પોક્સો કેસમાં કડક ચુકાદો, આરોપીઓને 6 વર્ષની કેદ