Ahmedabad: ભારત વિકાસ પરિષદનું ઉદ્ઘાટન, Gujarat First News ના ચેનલ હેડ ડૉ. વિવેક ભટ્ટનું પ્રેરણાદાયી ઉદબોધન

ડૉ. વિવેક ભટ્ટ અને ધારાસભ્યનું પ્રેરક સંબોધન

કાર્યક્રમમાં Gujarat First News ના ચેનલ હેડ ડૉ. વિવેક કુમાર ભટ્ટે પોતાના પ્રેરણાદાયી ઉદબોધનમાં ભારતીય સંસ્કૃતિના 16 સંસ્કારો (16 Sanskar) ના મહત્વ પર પ્રકાશ પાડ્યો હતો. તેમણે દેશના સૈનિકોના માન-સન્માન અને રાષ્ટ્ર પ્રત્યેના સમર્પણના ભાવને જાગૃત કરવા આહવાન કર્યું હતું. કાર્યક્રમમાં વેજલપુરના ધારાસભ્ય અમિત ઠાકર પણ ખાસ હાજર રહ્યા હતા. ધારાસભ્યએ ભારત વિકાસ પરિષદના પંચામૃત સમાન 5 મંત્રો  સંપર્ક, સહયોગ, સંસ્કાર, સેવા અને સમર્પણ  વિશે પોતાના મંતવ્યો વ્યક્ત કરીને કાર્યકર્તાઓમાં નવો ઉત્સાહ ભર્યો હતો.

 

View this post on Instagram

 

A post shared by Gujarat First (@gujaratfirst)

Ahmedabad: રામોલ દુર્ઘટનાના મૃતકોને અંજલિ

કાર્યક્રમ દરમિયાન એક ગંભીર અને સંવેદનશીલ ઘટનાનો ઉલ્લેખ પણ કરવામાં આવ્યો હતો. અમદાવાદના રામોલ વિસ્તારમાં ફટાકડાની ફેક્ટરીમાં સર્જાયેલી દુર્ઘટના અંગે શોક વ્યક્ત કરવામાં આવ્યો હતો. શહેરના મેયર હિતેશ બારોટ (Hitesh Barot) એ દુર્ઘટનામાં જીવ ગુમાવનાર નિર્દોષ નાગરિકોને ભાવભીની શ્રદ્ધાંજલિ અર્પણ કરી હતી. મેયરની ઉપસ્થિતિમાં તમામ મહાનુભાવો અને ઉપસ્થિત નાગરિકોએ 2 મિનિટનું મૌન પાળીને મૃતકોની આત્માની શાંતિ માટે પ્રાર્થના કરી હતી. આ કાર્યક્રમ સેવા અને સમર્પણના ભાવ સાથે સંપન્ન થયો હતો.

આ પણ વાંચો; Ahmedabad: ફટાકડા ફેક્ટરીમાં બ્લાસ્ટ મામલે મોટો ખુલાસો, રમીલા ડોડીયા 20 વર્ષથી ફેક્ટરી ચલાવતા હતા