ખોટા દેખાવો કરી પૈસા પડાવ્યા
આરોપીઓએ રોકાણકારોને આકર્ષવા માટે એક ચોક્કસ વ્યૂહરચના અપનાવી હતી. તેઓ પોતાના ઘરે રોકાણકારોની ભીડ ઉભી કરતા અને નોટો ગણવાના મશીનો પ્રદર્શિત કરીને પોતાનો બિઝનેસ ખૂબ મોટો હોવાનો દેખાવ કરતા હતા. લોકો તેમનો વિશ્વાસ કરે તે માટે તેઓએ ઓનલાઇન વ્યવહારને બદલે માત્ર રોકડમાં જ નાણાં લેવાનું નક્કી કર્યું હતું. આટલું જ નહીં, રોકાણકારોને ફસાવવા માટે તેમણે 'ઉછીના નાણાં'ના નામે 300 રૂપિયાના સ્ટેમ્પ પેપર પર લખાણ કરાવીને એક કાયદાકીય સુરક્ષા હોવાનો ભ્રમ પણ પેદા કર્યો હતો.
Bhavnagar: કરોડો રૂપિયા પડાવી રોકાણ કારોને રોવડાવ્યા
તપાસ દરમિયાન સામે આવ્યું છે કે આ બંને ભાઈઓએ માત્ર 7 રોકાણકારો પાસેથી જ 1.11 કરોડથી વધુ રકમ એકત્ર કરી હતી. તેમાંથી રોકાણકારોને માત્ર 17.60 લાખ રૂપિયા જ પરત આપીને બાકીના 1.03 કરોડ રૂપિયા પચાવી પાડ્યા હતા. ભોગ બનનારા લોકોએ જ્યારે વળતર ન મળતા પોલીસના દ્વાર ખખડાવ્યા, ત્યારે વરતેજ પોલીસે તાત્કાલિક કાર્યવાહી કરતા બંને આરોપીઓની ધરપકડ કરી છે.
નાણાકીય વ્યવહારો અને દસ્તાવેજોની ઝીણવટભરી તપાસ
હાલમાં પોલીસે તેમની સામે GPID એક્ટ અને BNSની વિવિધ કલમો હેઠળ ગુનો નોંધીને તપાસ હાથ ધરી છે. પોલીસ દ્વારા આરોપીઓના તમામ નાણાકીય વ્યવહારો અને દસ્તાવેજોની ઝીણવટભરી તપાસ કરવામાં આવી રહી છે. પ્રાથમિક અંદાજ મુજબ, આગામી દિવસોમાં રોકાણકારોના નિવેદનોના આધારે આ કૌભાંડનો આંકડો વધુ મોટો હોવાની શક્યતા છે. આ ઘટનાએ અન્ય નાગરિકો માટે પણ એક શીખ આપી છે કે વધુ વળતરની લાલચમાં કોઈ પણ અજાણી સ્કીમમાં રોકાણ કરતા પહેલા સાવધાન રહેવું અત્યંત જરૂરી છે.
આ પણ વાંચો: Gujarat Monsoon News: રથયાત્રાના દિવસે કેવું રહેશે અમદાવાદનું હવામાન? જાણો લેટેસ્ટ અપડેટ
