Banaskantha: પૈસા માગતો વીડિયો વાયરલ થયા બાદ તાલુકા પંચાયત પ્રમુખ પ્રભુજી રાજપૂતે આપ્યું રાજીનામું

શું હતો સમગ્ર મામલો?

થોડા સમય પહેલા સોશિયલ મીડિયા પર એક વીડિયો વાયરલ થયો હતો, જેમાં પ્રમુખ પ્રભુજી રાજપૂત એક કોન્ટ્રાક્ટર પાસેથી તળાવના ખોદકામ માટે લાંચના રૂપિયાની માંગણી કરતા હોવાનું સંભળાયું હતું. આ વીડિયો વાયરલ થતાની સાથે જ વહીવટી તંત્ર અને પક્ષમાં ભારે ખળભળાટ મચી ગયો હતો. વીડિયોમાં પ્રમુખની કથિત ભૂમિકાને કારણે પક્ષની છબી ખરડાઈ હતી અને તેમની ચારે બાજુથી ટીકાઓ થઈ રહી હતી.

Dhanera Taluka Panchayat President:  પરિણામ અને રાજીનામું

વીડિયો વાયરલ થવાથી થયેલી બદનામીના દબાણ હેઠળ આખરે પ્રભુજી રાજપૂતે નૈતિક જવાબદારી સ્વીકારી અથવા પક્ષના આદેશ મુજબ, પોતાનું રાજીનામું ધાનેરા તાલુકા વિકાસ અધિકારી (TDO) ને સોંપી દીધું છે. એક મહિનામાં જ આટલી મોટી ઘટના બનતા ધાનેરા તાલુકા પંચાયતમાં વહીવટી અને રાજકીય કામગીરી પર અસર પડી છે. હવે પ્રમુખની ખાલી પડેલી જગ્યા પર કોની નિયુક્તિ થશે, તે જોવું રસપ્રદ રહેશે.

આ પણ વાંચો: Rajkot: જેતપુરમાં કાયદો વ્યાવસ્થાની ઉડ્યા લીરેલીરા, જાહેરમાં ચપ્પુના ઘા મારી યુવકની કરપીણ હત્યા