Gandhinagar: સરગાસણમાં હત્યાનો અરેરાટીભર્યો કિસ્સો, નાસ્તાનું પૂછવા બાબતે યુવકની નિર્મમ હત્યા
ગાંધીનગરના સરગાસણ પાસે એક સામાન્ય બોલાચાલીએ બિહારના યુવકનો જીવ લઈ લીધો છે. નાસ્તો પૂછવા ઉભેલા યુવકે માત્ર એક્ટિવાની બ્રેક મારી તે બાબતે ઉશ્કેરાયેલા 7 શખ્સોએ તેને નગ્ન કરી, બાંધીને જીવલેણ માર માર્યો હતો. ગંભીર ઈજાઓથી યુવકનું મોત થયું હતું.
Advertisement
Gandhinagar Murder Case: ગાંધીનગરના સરગાસણ વિસ્તારમાં બનેલી એક ઘટનાએ સમગ્ર રાજ્યને હચમચાવી દીધું છે. માત્ર એક સામાન્ય નાસ્તો ક્યાં મળશે તે પૂછવા માટે ઉભેલા યુવકની હત્યા માત્ર એ કારણસર કરી દેવામાં આવી કે તેણે પોતાની એક્ટિવા પર 'જોરદાર બ્રેક' કેમ મારી હતી! આ મામલે પોલીસે 7 આરોપીઓ વિરુદ્ધ હત્યાનો ગુનો નોંધીને તપાસ તેજ કરી છે.