Surat: આત્મીય વિલા સોસાયટીમાં દીવાલ ધરાશાયી થતા અનેક વાહનો ખાડીમાં ગરકાવ
સુરતના કામરેજની આત્મીય વિલા સોસાયટીમાં ભારે વરસાદને કારણે મોટી તારાજી સર્જાઈ છે. સોસાયટીની દીવાલ અને મુખ્ય રસ્તો ધરાશાયી થતા બે કાર, ટેમ્પો અને અન્ય વાહનો ખાડીના તેજ પ્રવાહમાં તણાઈ ગયા હતા. તંત્રની ગેરહાજરીથી નિરાશ રહીશોએ પોતાની સુરક્ષા માટે જાતે જ રસ્તાઓ બંધ કરી દીધા છે.
Advertisement
Surat Kamrej Heavy Rain: સુરતના કામરેજ વિસ્તારમાં પડેલા અનરાધાર વરસાદને પગલે જનજીવન સંપૂર્ણપણે અસ્તવ્યસ્ત થઈ ગયું છે. ખાસ કરીને કામરેજની આત્મીય વિલા સોસાયટીમાં પરિસ્થિતિ અત્યંત ગંભીર બની છે. ભારે વરસાદ અને પાણીના ધસમસતા પ્રવાહને કારણે સોસાયટીની બાઉન્ડ્રી વોલ (દીવાલ) અને મુખ્ય રસ્તો તૂટી પડતા અફરાતફરીનો માહોલ સર્જાયો હતો.