Modasa: સૈનિક સ્કૂલમાં વિદ્યાર્થીને માર્યો ઢોર માર, પેપર ચોરીની શંકાએ આચાર્યએ ગુજાર્યો અત્યાચાર

મોક ટેસ્ટનું પેપર લીંક કર્યાની આશંકાએ માર્યો

પ્રાપ્ત વિગતો અનુસાર, પીડિત વિદ્યાર્થી પર શંકા હતી કે તેણે મોક ટેસ્ટ (Mock Test) નું પેપર લીક કર્યું છે. આ આરોપના પગલે આચાર્ય હરેશ પટેલે શિસ્તના નામે વિદ્યાર્થીને પ્લાસ્ટિકની પાઇપ અને લાકડાના દંડા વડે બેરહેમીથી માર માર્યો હોવાનો ગંભીર આક્ષેપ વાલીઓ દ્વારા કરવામાં આવ્યો છે. માર એટલો તીવ્ર હતો કે વિદ્યાર્થીને ગંભીર ઈજાઓ પહોંચી હતી, જેના કારણે તેને તાત્કાલિક 108 એમ્બ્યુલન્સ (108 Ambulance) મારફતે સારવાર માટે મોડાસા સાર્વજનિક હોસ્પિટલ (Sarvajanik Hospital) ખસેડવો પડ્યો હતો.

Modasa: વિદ્યાર્થીએ બે મોક ટેસ્ટના પેપર ચોર્યાનો આરોપ

શાળાના ઇનચાર્જ પ્રિન્સિપાલ હરેશ પટેલે પોતાના બચાવમાં દાવો કર્યો છે કે, વિદ્યાર્થીએ બે મોક ટેસ્ટના પેપર ચોર્યા હતા, જેને લઈને આ શિસ્તબદ્ધ કાર્યવાહી કરવામાં આવી છે. જોકે, શિક્ષણના મંદિરમાં બાળકની આ સ્થિતિ જોઈને વાલીઓ ચોંકી ઉઠ્યા હતા. આ મામલે વાલીઓએ તાત્કાલિક પોલીસ સ્ટેશન (Police Station) દોડી જઈ આચાર્ય વિરુદ્ધ કાયદેસરની ફરિયાદ નોંધાવવાની તૈયારી શરૂ કરી છે. સૈનિક જેવી પ્રતિષ્ઠિત સ્કૂલમાં વિદ્યાર્થી સાથે થયેલી આ હિંસક ઘટના અંગે જિલ્લા શિક્ષણ વિભાગ (District Education Department) દ્વારા તપાસ થાય તેવી માંગ ઉઠી છે. આ મામલે પોલીસે પ્રાથમિક તપાસ હાથ ધરી છે, પરંતુ સમગ્ર વિસ્તારમાં આ ઘટનાને લઈને શિક્ષણ જગત પર સવાલો ઉભા થયા છે.

આ પણ વાંચો; Bengaluru : પૂર્વ વડાપ્રધાન HD Deve Gowda ના પત્ની Chennamma નું 85 વર્ષની વયે નિધન