Navsari Flood Situation: નવસારીમાં પૂરનો હાહાકાર, પૂર્ણા નદીના 27 ફૂટના રૌદ્ર સ્વરૂપે કાશીવાડીને બાનમાં લીધી

ગુજરાત ફર્સ્ટના ગ્રાઉન્ડ ઝીરો રિપોર્ટ

ગુજરાત ફર્સ્ટના ગ્રાઉન્ડ ઝીરો રિપોર્ટ અનુસાર, કાશીવાડી વિસ્તારના આશરે ૫૦૦ જેટલા ઘરોમાં પૂરના પાણી ઘૂસી ગયા છે. ઘરોમાં રાખવામાં આવેલો ઘરવખરીનો સામાન અને અનાજ બગડી જતાં લોકોની મુશ્કેલીઓનો પાર રહ્યો નથી. વરસાદે વિરામ લીધો હોવા છતાં, પૂરના પાણી ઓસરતા નથી, જેના કારણે સ્થાનિક લોકોમાં ભારે રોષ જોવા મળી રહ્યો છે.

Navsari: સ્થાનિકોએ તંત્રની કામગીરી સામે ગંભીર સવાલો

સ્થાનિકોએ તંત્રની કામગીરી સામે ગંભીર સવાલો ઉઠાવ્યા છે. વર્ષોથી ચોમાસા દરમિયાન આવી પડતી આ સમસ્યાના કોઈ કાયમી સમાધાન ન આવતા લોકો વ્યાકુળ બન્યા છે. "દર વર્ષે અમે આ જ સ્થિતિનો સામનો કરીએ છીએ, પરંતુ તંત્ર માત્ર આશ્વાસનો આપે છે," તેવી હૈયાવરાળ સ્થાનિકોએ ઠાલવી છે. રેસ્ક્યુ કામગીરી કે મદદ સમયસર ન પહોંચતી હોવાની ફરિયાદો પણ ઉઠી છે. વહીવટી તંત્ર સામેના આક્રોશ વચ્ચે, હાલ તો કાશીવાડીના રહેવાસીઓ ભગવાન ભરોસે જીવન જીવવા મજબૂર બન્યા છે.

આ પણ વાંચો: Jewels of Gujarat: સાદગી અને સફળતાનો સંગમ, કિશોર છીતાનું જીવન અને તેમના વ્યવસાયિક મૂલ્યો!