Pavagadh Yatra Restriction: પાવાગઢ જતા પહેલાં આ જાણી લો, તંત્રનું મોટું જાહેરનામું થયું જાહેર

લોકોની સુરક્ષાને ધ્યાને રાખીને નિર્ણય

આ પ્રતિબંધ તા. 07 જુલાઈ 2026 થી શરૂ કરીને તા. 06 સપ્ટેમ્બર 2026 સુધી અમલમાં રહેશે. પ્રતિબંધનો સમયગાળો દરરોજ રાત્રે 10:00 વાગ્યાથી સવારે 4:00 વાગ્યા સુધીનો નક્કી કરવામાં આવ્યો છે. પહાડી વિસ્તાર હોવાથી ભારે વરસાદના કારણે રસ્તામાં પથ્થર ધસી પડવા કે જમીનનું ધોવાણ થવા જેવી જોખમી સ્થિતિ સર્જાઈ શકે છે, જેને ધ્યાનમાં રાખીને અકસ્માત નિવારણ અર્થે આ પગલું લેવાયું છે.

Pavagadh Yatra: આ આદેશ માત્ર પગપાળા યાત્રા માટે

જોકે, શ્રદ્ધાળુઓએ ગભરાવાની જરૂર નથી. આ આદેશ માત્ર પગપાળા યાત્રા માટે છે. પાવાગઢની સુવિધા માટે ચાલતી રોપ-વે (Ropeway) સેવા અને અન્ય પરિવહન વ્યવસ્થાઓ તેમના નિર્ધારિત સમય મુજબ રાબેતા મુજબ ચાલુ રહેશે. અધિક નિવાસી કલેક્ટર જે. જે. પટેલે જણાવ્યું હતું કે, યાત્રિકોની સુરક્ષા તંત્રની પ્રાથમિકતા છે અને આ સમયગાળા દરમિયાન શ્રદ્ધાળુઓએ નિયમોનું પાલન કરવું અત્યંત આવશ્યક છે. વહીવટી તંત્ર દ્વારા તમામ યાત્રિકોને આ સમય દરમિયાન રાત્રિના સમયે પગપાળા માર્ગે ન જવા વિનંતી કરવામાં આવી છે, જેથી કોઈ અનિચ્છનીય ઘટના ટાળી શકાય.

આ પણ વાંચો: Machhimar Diesel VAT Rahat Yojana : ગુજરાતના માછીમારો માટે સરકારનો ઐતિહાસિક નિર્ણય