Navy UAV crash: પોરબંદરમાં ભારતીય નૌસેનાનું UAV ક્રેશ, મોટી દુર્ઘટના ટળી, અધિકારીઓ ઘટના સ્થળે

અકસ્માતમાં કોઈ પ્રકારની જાનહાનિ નહીં

ઘટનાની જાણ થતા જ નૌસેનાના અધિકારીઓ, સ્થાનિક પોલીસ અને ફાયર વિભાગની ટીમ તાત્કાલિક અસરથી ઘટનાસ્થળે પહોંચી ગઈ હતી. સદનસીબે, આ અકસ્માતમાં કોઈ પ્રકારની જાનહાનિ કે મોટી માલહાનિના સમાચાર નથી. આ વિસ્તાર નિર્જન હોવાને કારણે મોટું નુકસાન થતા બચી ગયું છે.

Navy UAV crash: એજન્સીઓએ આ વિસ્તારને કોર્ડન કર્યો

હાલમાં સુરક્ષા એજન્સીઓ દ્વારા આ વિસ્તારને કોર્ડન કરી લેવામાં આવ્યો છે અને UAV ક્રેશ થવા પાછળના ચોક્કસ કારણોની તપાસ શરૂ કરવામાં આવી છે. ટેકનિકલ ખામી કે અન્ય કોઈ કારણસર ડ્રોન ક્રેશ થયું, તે અંગે નૌસેના દ્વારા ઉચ્ચસ્તરીય તપાસના આદેશ આપવામાં આવ્યા છે. આ સમગ્ર ઘટનાને પગલે સ્થાનિક લોકોમાં કુતૂહલ સાથે ચિંતાનું મોજું ફરી વળ્યું હતું.

આ પણ વાંચો: અરવલ્લીના મેઘરજ પંથકમાં મેઘમહેર: 2 ઇંચ જેટલો ધોધમાર વરસાદ, ખેતરો પાણીમાં ગરકાવ