Surat: મીઠી ખાડી વિસ્તારમાં NDRF ની સરાહનીય કામગીરી, 153 લોકોને બચાવી લેવાયા

NDRF દ્વારા 153 લોકોનું રેસ્ક્યું

NDRF ના જવાનો દ્વારા હાથ ધરવામાં આવેલા આ સફળ રેસ્ક્યુ ઓપરેશનમાં કુલ 153 લોકોના જીવ બચાવી લેવાયા છે. બચાવવામાં આવેલા નાગરિકોમાં 19 બાળકો અને 53 મહિલાઓનો સમાવેશ થાય છે, જ્યારે 71 પુરુષોને પણ સલામત રીતે બહાર કાઢવામાં આવ્યા છે. પૂરના પાણીમાં ફસાયેલા આ તમામ લોકોને NDRF ની ટીમ દ્વારા અત્યંત સતર્કતા સાથે સુરક્ષિત સ્થળે (Safe Location) ખસેડવામાં આવ્યા છે.

NDRF Rescue Surat: જળસ્તર વધતા પરિસ્થિતિ ગંભીર બની

સ્થાનિકોના જણાવ્યા મુજબ, મીઠી ખાડીમાં જળસ્તર વધતા પરિસ્થિતિ ગંભીર બની હતી, પરંતુ NDRF ના જવાનોએ સમયસૂચકતા વાપરીને તમામ લોકોને સમયસર મદદ પહોંચાડી હતી. આ ઓપરેશન બાદ તમામ નાગરિકોને તંત્ર દ્વારા પ્રાથમિક સુવિધાઓ પૂરી પાડવામાં આવી રહી છે. સુરત વહીવટી તંત્ર અને NDRF ની આ સંયુક્ત કામગીરીને લઈને લોકોમાં રાહતની લાગણી જોવા મળી રહી છે. મુશ્કેલીના આ સમયમાં NDRF ના જવાનોએ ફરી એકવાર પોતાની ફરજ પ્રત્યેની નિષ્ઠા અને સાહસ સાબિત કર્યું છે.

આ પણ વાંચો: Navy UAV crash: પોરબંદરમાં ભારતીય નૌસેનાનું UAV ક્રેશ, મોટી દુર્ઘટના ટળી, અધિકારીઓ ઘટના સ્થળે