Surat: ઓલપાડ અને સાયણમાં ભારે વરસાદ, મહિલાઓનું JCBમાં બેસાડીને રેસ્ક્યું

મુખ્ય માર્ગો પર વરસાદી પાણી ફરી વળ્યા

મુખ્ય માર્ગો પર વરસાદી પાણી (Rainwater) ફરી વળતા વાહનવ્યવહાર સંપૂર્ણપણે ઠપ થઈ ગયો છે. સાયણ ગામની પરિસ્થિતિ સૌથી વધુ ગંભીર જોવા મળી રહી છે. અહીં રહેણાંક સોસાયટીઓ અને દુકાનોમાં પાણી ઘૂસી જતાં લોકોનો સામાન પલળી ગયો છે અને અનેક પરિવારોએ સ્થળાંતર કરવું પડ્યું છે. આ ઉપરાંત, સ્થાનિક ખાડી (Local Creek) માં ઘોડાપૂર આવતા પાણીનો નિકાલ શક્ય બન્યો નથી.

Surat: પાણી ભરાઈ રહેવાથી વેપાર-ધંધા પર માઠી અસર

ગામની મુખ્ય બજારોમાં પાણી ભરાઈ રહેવાથી વેપાર-ધંધા પર માઠી અસર પડી છે. લોકો ઘરોમાં કેદ થઈ ગયા છે અને જીવનજરૂરિયાતની ચીજવસ્તુઓ મેળવવામાં પણ સંઘર્ષ કરવો પડી રહ્યો છે. સ્થાનિકોના જણાવ્યા મુજબ, તંત્ર દ્વારા પાણીના નિકાલ માટે યોગ્ય વ્યવસ્થા કરવામાં ન આવતા આ સમસ્યા દર વર્ષે માથું ઉંચકે છે. વહીવટી તંત્ર દ્વારા સ્થિતિનું નિરીક્ષણ કરવામાં આવી રહ્યું છે, પરંતુ લોકોમાં પાણી ઓસરવાને લઈને ભારે રોષ અને લાચારી જોવા મળી રહી છે. વરસાદી આફત બાદ હવે રોગચાળાની ભીતિ પણ સેવાઈ રહી છે, જેથી તંત્રએ તાત્કાલિક ધોરણે પગલાં લેવા અનિવાર્ય બન્યા છે.

આ પણ વાંચો; Pavagadh Yatra Restriction: પાવાગઢ જતા પહેલાં આ જાણી લો, તંત્રનું મોટું જાહેરનામું થયું જાહેર