Wabang Jamir Surat CP: IPS વાબાંગ જામીર બન્યા સુરત શહેર ઇન્ચાર્જ પોલીસ કમિશનર

અનુપમસિંહ ગેહલોતની અમદાવાદ બદલી

અગાઉ સુરતના પોલીસ કમિશનર તરીકે ફરજ બજાવતા IPS અનુપમસિંહ ગેહલોતની તાજેતરમાં જ અમદાવાદ ખાતે બદલી કરવામાં આવી હતી. તેમના સ્થાનાંતરણને પગલે સુરત પોલીસ કમિશનરનું પદ ખાલી પડ્યું હતું. જેને ધ્યાનમાં રાખીને રાજ્ય સરકાર દ્વારા વહીવટી પ્રક્રિયા પૂર્ણ કરીને આ જગ્યા ભરવામાં આવી છે. વાબાંગ જામીર, જેઓ અગાઉ વેઇટિંગ ફોર પોસ્ટિંગ હતા, તેમને હવે સુરત શહેરની મહત્વની જવાબદારી સોંપવામાં આવી છે.

આ નિમણૂકથી પોલીસ વિભાગમાં નવી ઉર્જા

સુરત જેવા મોટા અને વ્યસ્ત શહેરની કાયદો-વ્યવસ્થા સંભાળવી એક પડકારજનક કામગીરી છે. વાબાંગ જામીરની આ નિમણૂકથી પોલીસ વિભાગમાં નવી ઉર્જાનો સંચાર થવાની અપેક્ષા છે. તેમણે અગાઉ વિવિધ મહત્વની જવાબદારીઓ કુશળતાપૂર્વક નિભાવી છે, ત્યારે સુરતના નાગરિકોને તેમની કાર્યશૈલીથી કાયદો-વ્યવસ્થામાં વધુ મજબૂતી આવવાની આશા છે.

Wabang Jamir Surat CP: વાબાંગ જામીર સામે અનેક નવા પડકારો

સુરત શહેરના પોલીસ કમિશનર તરીકેનો કાર્યભાર સંભાળતાની સાથે જ વાબાંગ જામીર સામે શહેરની ટ્રાફિક વ્યવસ્થા, ગુનાખોરી પર નિયંત્રણ અને સામાજિક સુરક્ષા જેવા મુખ્ય મુદ્દાઓ રહેશે. આગામી સમયમાં તેમના નેતૃત્વ હેઠળ સુરત શહેર પોલીસ કેવી કામગીરી કરશે, તે જોવું રહ્યું. રાજ્ય સરકારના આ આદેશના પગલે સુરત શહેરના પોલીસ વિભાગમાં ઉત્સાહનો માહોલ જોવા મળી રહ્યો છે.

આ પણ વાંચો: Gujarat Rain Alert: આગામી 48 કલાકમાં ગુજરાતમાં મૂશળધાર વરસાદની આગાહી