Road Accident Insurance Rule: અકસ્માત વીમા ક્લેમ હવે ચપટીમાં થશે પાસ, સરકારનો મોટો નિર્ણય

પીડિતોને વીમા ક્લેમ અને ન્યાય ઝડપથી મળશે

સામાન્ય રીતે વાહન અકસ્માત (Road Accident) ના કિસ્સામાં પીડિતો કે તેમના પરિવારોને વીમા કંપનીઓ પાસેથી વળતર મેળવવા માટે લાંબી કાનૂની પ્રક્રિયામાંથી પસાર થવું પડતું હોય છે. આ નવી વ્યવસ્થાથી ઇન્શ્યોરન્સ એજન્ટ (Insurance Agent) અને પીડિત પક્ષને તમામ જરૂરી વિગતો સમયસર મળી રહેશે, જેથી વીમા ક્લેમ (Insurance Claim) ની પ્રક્રિયા ખૂબ જ ઝડપી બનશે. માહિતી આયોગે સ્પષ્ટ કર્યું છે કે ન્યાયિક પ્રક્રિયામાં વિલંબ ન થાય તે માટે દસ્તાવેજો આપવા અનિવાર્ય છે.

પોલીસે કયા કયા દસ્તાવેજો આપવા પડશે?

માહિતી આયોગના કડક આદેશ મુજબ, પોલીસે હવે અકસ્માત સંબંધિત ફર્સ્ટ ઇન્ફોર્મેશન રિપોર્ટ એટલે કે એફઆઈઆર (FIR) ની નકલ, ઘટનાસ્થળનું પંચનામું (Panchnama) આપવું પડશે. આ ઉપરાંત, કેસ સાથે જોડાયેલ ફોરેન્સિક સાયન્સ લેબોરેટરી રિપોર્ટ (FSL Report) અને પોસ્ટમોર્ટમ રિપોર્ટ (PM Report) પણ પોલીસે અરજદારને આપવાના રહેશે. આ તમામ વિગતો કોઈ પણ પ્રકારની ફી લીધા વિના, તદ્દન વિનામૂલ્યે (Free of Cost) આપવાની રહેશે.

તમામ પોલીસ સ્ટેશનોને નિયમોનું પાલન કરવા સૂચના

રાજ્યના ગૃહ વિભાગ અને તમામ પોલીસ સ્ટેશનો (Police Stations) ને આ નિયમોનું ચુસ્તપણે પાલન કરવા માટેની કડક સૂચના આપી દેવામાં આવી છે. જો કોઈ પોલીસ સ્ટેશન દસ્તાવેજો આપવામાં વિલંબ કરશે કે આનાકાની કરશે તો તેમની સામે કાયદેસરની કાર્યવાહી થઈ શકે છે. કામરેજ (Kamrej) ના કેસને આખા રાજ્ય માટે એક ઉદાહરણ તરીકે સેટ કરીને આ કાયદો લાગુ કરવામાં આવ્યો છે, જે વહીવટી પારદર્શિતા વધારશે.

આ પણ વાંચો: Ahmedabad BJ Medical College માં રેગિંગ બદલ મોટી એક્શન: 3 સિનિયર વિદ્યાર્થીઓ સસ્પેન્ડ