આ ઉપરાંત, ઉત્તર ગુજરાતના બનાસકાંઠા (Banaskantha) ના પાલનપુર (Palanpur), વાવ (Vav), થરાદ (Tharad) અને લાખણી (Lakhani) પંથકમાં વાવણી લાયક મેઘમહેર થતાં જગતનો તાત ખુશખુશાલ થયો છે. અરવલ્લી (Aravalli) ના શામળાજી અને સાબરકાંઠા (Sabarkantha) ના હિંમતનગર (Himatnagar) તેમજ ઈડર (Ider) માં ગાજવીજ સાથે મુશળધાર વરસાદ વરસ્યો છે. ખેડા (Kheda) ના નડિયાદ (Nadiad) માં પણ મેઘરાજાની પધરામણીથી ઠંડક પ્રસરી છે.
પંચમહાલમાં વીજળી ગુલ અને ભરૂચના દરિયાકાંઠે તોફાની પવન
બીજી તરફ, પંચમહાલ (Panchmahal) જિલ્લાના ગોધરા (Godhra) શહેર અને આસપાસના ગ્રામ્ય વિસ્તારોમાં ભારે પવન સાથે વરસાદ તૂટી પડ્યો હતો. પવનની ગતિ વધુ હોવાના કારણે ગોધરાના કેટલાક વિસ્તારોમાં વીજ પુરવઠો સંપૂર્ણપણે ખોરવાઈ ગયો હતો. ભરૂચ (Bharuch) જિલ્લાના જંબુસર (Jambusar) તાલુકાના કાવી કંબોઈ (Kavi Kamboi) સ્થિત સ્તંભેશ્વર (Stambheshwar) દરિયાકાંઠે ભારે પવન ફૂંકાવાને કારણે દરિયો તોફાની (Rough Sea) બન્યો હતો. દરિયાકાંઠાના વિસ્તારોમાં પવન સાથે ત્રાટકેલા વરસાદને કારણે સ્થાનિક ખેડૂતોમાં (Farmers) પાકને નુકસાન થવાની ચિંતા પણ જોવા મળી રહી છે.
23 અને 24 જૂને બંગાળની ખાડીમાં સર્જાશે લો-પ્રેશર
હવામાન વિભાગના જણાવ્યા અનુસાર, આગામી 23-24 જૂન આસપાસ બંગાળની ખાડીમાં એક મજબૂત લો-પ્રેશર સિસ્ટમ સક્રિય થવાની સંભાવના છે. આ નવી વેધર સિસ્ટમથી પૂર્વ ભારતમાં ચોમાસાને વેગ મળશે. અરબી સમુદ્ર (Arabian Sea) માંથી ભેજવાળા પવનો ખેંચાવાને કારણે મહારાષ્ટ્ર (Maharashtra) અને મુંબઈ (Mumbai) માં ચોમાસું ફરી જોર પકડશે. આ સાથે જ 18 જૂનથી એક નવું વેસ્ટર્ન ડિસ્ટર્બન્સ સક્રિય થતાં પંજાબ (Punjab), હરિયાણા (Haryana), દિલ્હી (Delhi) અને ઉત્તર રાજસ્થાનમાં (Rajasthan) પણ ભારે વરસાદની આગાહી (Rain Prediction) કરવામાં આવી છે.
આ પણ વાંચો: Kutch Railway Project: હવે દોડશે નવી ટ્રેનો, Adipur-Bhuj રેલવે ટ્રેક ડબલિંગ પ્રોજેક્ટને મળી લીલી ઝંડી
