Gujarat Police : બાંગ્લાદેશીઓની ઘૂસણખોરી સામે ગુજરાત સરકારનો કડક સંદેશ, રાજયભરમાં કરાઈ તાબડતોબ કાર્યવાહી

સુરક્ષા અને શાંતિ સાથે કોઈપણ પ્રકારની બાંધછોડ નહી ચલાવાય

'ઓપરેશન ડેલ્ટા હન્ટ' અંતર્ગત રાજ્યના વિવિધ વિસ્તારોમાં સઘન તપાસ હાથ ધરીને આજે સવારે 8 વાગ્યા સુધીમાં ગેરકાયદેસર રીતે વસવાટ કરતા કુલ 568 બાંગ્લાદેશી નાગરિકોની ધરપકડ કરવામાં આવી છે. ધરપકડ કરાયેલા નાગરિકોમાં 172 પુરુષો, 282 સ્ત્રીઓ અને 114 બાળકોનો સમાવેશ થાય છે. નાયબ મુખ્યમંત્રી હર્ષભાઈ સંઘવીએ સ્પષ્ટ કર્યું છે કે, રાજ્યની સુરક્ષા અને શાંતિ સાથે કોઈપણ પ્રકારની બાંધછોડ ચલાવી લેવામાં આવશે નહીં. ગેરકાયદેસર ઘૂસણખોરી અને વસવાટ કરનારા તત્વો સામે આ પ્રકારની કડક ઝુંબેશ આગામી સમયમાં પણ જારી રહેશે.

Gujarat Police : ઝડપાયેલા લોકો સામે કાયદાકીય કાર્યવાહી કરાઈ

હાલમાં ગુજરાત પોલીસ દ્વારા તમામ જિલ્લાઓમાં જુદી જુદી ટીમો દ્વારા આ ઓપરેશન અંતર્ગત અન્ય શંકાસ્પદ વ્યક્તિઓ અને વિસ્તારોમાં સઘન સર્ચ ઓપરેશન અને તપાસની પ્રક્રિયા હજુ પણ કાર્યરત છે. પકડાયેલા તમામ વ્યક્તિઓ વિરૂદ્ધ કાયદાકીય જોગવાઈઓ હેઠળ આગળની કડક કાર્યવાહી હાથ ધરવામાં આવી રહી છે.

આ પણ વાંચો : Junagadh : વંથલીમાં ખાણ-ખનીજ વિભાગની મેગા સ્ટ્રાઈક, રેતી ભરેલા 9 ડમ્પરો કરાયા સીઝ