Gujarat Rain : ગુજરાતમાં મેઘરાજાનું રૌદ્ર સ્વરૂપ, માંગરોળમાં 22 ઇંચ વરસાદ સાથે જળબંબાકાર

6 તાલુકામાં 6 ઇંચથી વધુ વરસાદ ખાબક્યો છે અને 10 તાલુકામાં 5 ઇંચથી વધુ વરસાદ વરસ્યો છે. અન્ય તાલુકામાં અડધા ઇંચથી 4 ઇંચ સુધીનો વરસાદ નોંધાયો છે.

માંગરોળમાં 'આભ ફાટ્યું'

જૂનાગઢના માંગરોળમાં માત્ર થોડા જ સમયમાં 22 ઇંચ જેટલો અતિભારે વરસાદ વરસતા જાણે આભ ફાટ્યું હોય તેવી સ્થિતિ સર્જાઈ છે. દરેક ગલીઓ અને રસ્તાઓ નદીમાં ફેરવાઈ ગયા છે, જેના કારણે જનજીવન સંપૂર્ણપણે અસ્તવ્યસ્ત થઈ ગયું છે.

માંગરોળ ઉપરાંત માળિયાહાટીનામાં 14 ઇંચ, કેશોદમાં 13 ઇંચ અને મેંદરડામાં 12.05 ઇંચ વરસાદ નોંધાયો છે, જે સૌરાષ્ટ્રના જળાશયો અને ખેતી માટે મોટી રાહત લાવશે, પરંતુ હાલમાં પૂરની સ્થિતિએ ચિંતા વધારી છે.

દક્ષિણ ગુજરાત પર પણ મેઘકહેર

દક્ષિણ ગુજરાતમાં પણ મેઘરાજા મન મૂકીને વરસ્યા છે. ડાંગના વધઈ અને સુબીરમાં 13-13 ઇંચ વરસાદ નોંધાયો છે, જ્યારે સુરતના અંબિકામાં પણ 13 ઇંચ વરસાદ ખાબક્યો છે. ડોલવણ, વાંસદા અને ચીખલીમાં 10 ઇંચ વરસાદ પડતા નદીના જળસ્તરમાં નોંધપાત્ર વધારો થયો છે.

વાલોડ, ડાંગ, વેરાવળ અને ગણદેવીમાં 8 ઇંચથી વધુ તો વલસાડ અને વ્યારામાં 7 ઇંચથી વધુ વરસાદ નોંધાયો છે. આ તોફાની વરસાદને કારણે માંગરોળ તાલુકાનો ચાલુ સીઝનનો કૂલ વરસાદ 37 ઈંચ પર પહોંચી ગયો છે. માંગરોળ ઉપરાંત માળિયા-હાટીના તાલુકામાં પણ મેઘરાજાએ ભારે કહેર વર્તાવ્યો છે.

આ પણ વાંચો : PM Modi In Gujarat : સાણંદમાં રૂ.7500 કરોડના સેમિકંડકટર પ્લાન્ટનો શુભારંભ થશે, ભારતની ડિજિટલ આત્મનિર્ભરતાનું નવું સોપાન