Gujarat Rain Forecast : આગામી 3 કલાક ગુજરાત માટે ભારે ! દક્ષિણ ગુજરાત સહિતના વિસ્તારમાં ભારે વરસાદની આગાહી,જુઓ Video

Gujarat Rain Forecast : આગામી 3 કલાક ભારે વરસાદની આગાહી

ગુજરાતમાં ચોમાસાના આગમન સાથે જ અનેક વિસ્તારોમાં ધોધમાર વરસાદ વરસ્યો છે. હવામાન વિભાગની આગાહી અનુસાર આગામી 3 કલાક દક્ષિણ ગુજરાતના અનેક જિલ્લાઓમાં ભારે વરસાદની વરસે તેવી શક્યતા વ્યક્ત કરી છે. હવામાન વિભાગે સુરત,નવસારી અને વલસાડ જિલ્લામાં ભારે વરસાદ પડવાની શક્યતા વ્યક્ત કરી છે. આ ઉપરાંત, દાદરાનગર હવેલી ના વિસ્તારોમાં પણ મેઘરાજા ધબધબાટી બોલાવે તેવી પ્રબળ સંભાવના છે. સુરક્ષા અને સાવચેતીના ભાગરૂપે આ વિસ્તારોમાં 'ઓરેન્જ એલર્ટ' જાહેર કરવામાં આવ્યું છે.

 

View this post on Instagram

 

A post shared by Gujarat First (@gujaratfirst)

નીચાણવાળા વિસ્તારોમાં ન જવા તંત્રની અપીલ

આ ઉપરાંત સાવચેતીના ભાગરુપે તંત્ર દ્વારા નાગરિકોને નીચાણવાળા વિસ્તારોમાં ચેતવણી આપી છે. દરિયાકાંઠાના વિસ્તારોમાં પવનની ગતિ વધુ રહેવાની શક્યતા હોવાથી માછીમારોને પણ દરિયો ન ખેડવા માટે સૂચના આપવામાં આવી રહી છે. સતત પડી રહેલા વરસાદને કારણે જળાશયો અને નદીઓના જળસ્તરમાં વધારો થવાની સંભાવના છે, જેની સામે પણ સાવચેતી રાખવી જરૂરી છે. આગામી કલાકોમાં બદલાતી હવામાનની સ્થિતિ પર હવામાન કેન્દ્ર દ્વારા સતત નજર રાખવામાં આવી રહી છે.

આ પણ વાંચો :  Surat Rain News: પ્રથમ વરસાદમાં જ પાલિકાની પ્રી-મોન્સૂન કામગીરીની પોલ ખુલી, ઠેર-ઠેર પાણી ભરાયા