Gujarat Rain: આગામી 7 દિવસ રાજ્યમાં મધ્યમ વરસાદની આગાહી, સીઝનનો કુલ 162.5 મીમી વરસાદ નોંધાયો

સરેરાશ કરતા લગભગ 9 ટકા ઓછો વરસાદ

રાજ્યમાં ચાલુ સીઝનનો કુલ સરેરાશ વરસાદ 162.5 મિલીમીટર નોંધાયો છે. આ આંકડાઓ પર નજર કરીએ તો, તે લાંબા ગાળાની સરેરાશ કરતા લગભગ 9 ટકા ઓછો છે, જે ખેતીના પાક અને જળસંગ્રહ માટે ચિંતાનો વિષય બની શકે છે. હવામાન વિભાગના જણાવ્યા અનુસાર, હાલમાં કોઈ મોટી સિસ્ટમ સક્રિય ન હોવાથી ગુજરાત રીજીયન (Gujarat Region) માં માત્ર છૂટાછવાયા વરસાદની સંભાવના છે. અમદાવાદ (Ahmedabad) સહિતના શહેરોમાં આગામી દિવસોમાં આકાશ વાદળછાયું રહેશે પરંતુ ભારે વરસાદની કોઈ ચેતવણી નથી.

Gujarat Rain: દરિયાકાંઠાના વિસ્તારોમાં સાવચેતી રાખવી

ખાસ કરીને દરિયાકાંઠાના વિસ્તારો અને માછીમારો માટે હવામાન વિભાગે સાવચેતી રાખવા જણાવ્યું છે. 11 અને 12 જુલાઈના રોજ દરિયામાં પવનની ગતિ વધુ હોવાની સંભાવના છે, જેને ધ્યાનમાં રાખીને માછીમારોને દરિયો ન ખેડવા સૂચના આપવામાં આવી છે. રાજ્યના ખેડૂતો હવે ફરીથી સારો વરસાદ ક્યારે આવશે તેની રાહ જોઈ રહ્યા છે. કૃષિ નિષ્ણાતોના મતે, આગામી ૧૫ દિવસમાં જો વરસાદનું પ્રમાણ નહીં સુધરે, તો વાવેતરના કામકાજ પર અસર પડી શકે છે. હવામાન વિભાગ સતત સ્થિતિ પર નજર રાખી રહ્યું છે અને સમયસર અપડેટ્સ આપવામાં આવશે. નાગરિકોને હવામાન અંગેની સત્તાવાર માહિતી પર ભરોસો રાખવા અને અફવાઓથી દૂર રહેવા અપીલ કરવામાં આવી છે. આ સ્થિતિ વચ્ચે, ગરમી અને બફારામાં પણ વધારો અનુભવાઈ રહ્યો છે, જે ચોમાસાના વિરામ તરફ સંકેત આપે છે.

આ પણ વાંચો: HNGUનો ઐતિહાસિક નિર્ણય: પાટણ-મહેસાણાની 17 કોલેજોનું જોડાણ રદ, નવા એડમિશન પર પ્રતિબંધ